Войти | Регистрация | Вход необходим для полного использования сайта
 +8.3 °C
Не всякому человеку даже гуссарский мундир к лицу.
(Козьма Прутков)
 

Л. Пӑртас: Г.Е. Корнилов профессора ҫуралнӑ кунпа саламласа каланӑ темиҫе сӑмах

Л. Пӑртас19.03.2021 17:461515 просмотровИзменить Удалить

Хаклӑ та Аслӑ Ӗҫтешӗмӗре — Г.Е. Корнилов профессора ҫуралнӑ кунпа саламласа каланӑ темиҫе сӑмах!

Пурнӑҫ тӳпинчен ҫӗкленӳллӗн пӑхса ҫак илемлӗ те арпашуллӑ, ҫав хушӑрах интеллигентсемшӗн самай пӗлӗтленнӗ те пӑрланнӑ тӗнчен кисревне, чи малтанах унӑн пирченсе пӑтранакан саманчӗсене сирсе яма кашни ҫеккунтра пултарни — Эсир ҫав тери талантлӑ чӗлхеҫӗ (чи малтан!), ӑсчахҫӑ, пӗлӳҫӗ, вӗрентӳҫӗ, кӗнекеҫӗ, энциклопедист! тата малалла хушса каласан - кӗрекеҫӗ, пулӑҫӑ, ҫӑкӑр касаканҫӑ таранах пулнине Чӑваш Енре те, Тутарстанпа Пушкӑртстанра та, Раҫҫейре те, Узбекистанра та, Болгарипе Венгрире те, Финляндипе Польшӑра та, пӗр сӑмахпа каласан, тӗнчипех пӗлеҫҫӗ. Ахальтен мар пулӗ тӑван ҫӗр-шывӑмӑрта тата унӑн тулашӗнче пичетленекен тӗрлӗ йышши кӗнекесенче, энциклопедисенче Сирӗн ӗҫӗрсемпе Улӑп пек ятӑр пурри эпир вӑйлӑ чӑвашсем пулнине кӑтартакан тепӗр илӗртӳллӗ те хӑватлӑ тӳпе — ГеннКорнилов тӳпи пуррине яр-уҫҫӑн ҫирӗплетет, тен, тепӗртакран ҫавӑн ятлӑ ятарлӑ планета тӗнче уҫлӑхӗнче тупӑннине илтсессӗн, пӗртте тӗлӗнмен те пулӑттӑмӑр, мӗншӗн тесен эсир хӑюллӑн та тараватлӑн утса пыракан кун-ҫул таппипе юртти ҫывӑх тӑванӑрсене, пӗлӗш-хурӑнташӑрсене, ӗҫтешӗрсене нихҫан сӳнми телей, хавхалану, пархатар куллен кӳреҫҫӗ! Н.И. Ашмарин вӗрентӗвне малалла аталантарса, чӑваш чӗлхинчи ҫӗршер сӑмахӑн кун-ҫулне анне сӗчӗпех епле килнине тӳр чунлӑн каласа, ӑнлантарса-уҫса пани те мӗне тӑрать!!!

Эппин, сӑн-питӗмӗрсенче таса шевле выляттаракан, асамлӑн малашлӑха утма хавхалантаракан хитре шухӑшсенче шӑрҫаланнӑ пурнӑҫ ыратӑвӗпе тивлечӗ пӗр шиксӗр малалла иртмех хистӗ-ха... Эсир, хисеплӗ профессор, чӗлхесен аталанӑвӗнче мӗн пуррине, канӑҫсӑррӑн та пӗр нухратсӑр тенӗ пек ирӗн-каҫӑн, кунӗн-ҫӗрӗн, хӗлӗн-ҫӑвӗн шыраса-тӗпчесе, Ӑс-кӑмӑл вӑйне, нисепне, тӗнчине кӗнеке-журналсенче куллен пичетлесе, пӗр шелсӗр тӑван университета парнелесе пыратӑр. Тату та сапӑр ҫуркунне парнелекен ӗмӗт ҫӑлтӑрне хӑвӑр аллӑрсемпе татса илме пултарни пире те хавхалану кӳрет, паллах. Паянхи ҫамрӑксене пурӑнма та, юратма та Эсир вӗрентме пултарайнишӗн хӑш-чухне кӑшт халӗ те ӑмсанса та хӑпартланса пӑхаятпӑр-ха (эпир ЧӐВАШСЕМ ҫапларах вӗт!), тытӑҫулӑхсӑр, каварлӑхсӑр, ӑмсанусӑр, кӳренӳсӗр, хӑлаҫланусӑр, пӑлханусӑр пурӑнма малашне те Сирӗнтен вӗренесчӗ, вара кун-ҫулӑн тунсӑхӗсем аякра тӑрса юлайрӑччӗҫ, улӑпсем иленсе пире парнеленӗ тӑван ҫӗр-шыва ҫунат хушакан иксӗлми тӑван сӑмахсем пире сулмаклӑн утма ҫителӗклӗн майсем туса панӑ пулӗччӗҫ!

Хушса ҫырни

Хисеплӗ профессор паян 85 ҫул тултарать. Каҫаратех ӗнтӗ, телефонпа калаҫса ҫеҫ, анчахрах, саламларӑм ӑна.

Геннадий Емельянович яланхи пекех хавас, унӑн ҫавра ҫиллӗ чӗлхи тӑван тавралӑха кӑна мар, тӗнчене кисретет... Хӑй те савӑнчӗ пулӗ, эпӗ те пушшех хӑпартланса итлерӗм ӑна. Сасси, сасси вара - ӗлӗкхиллех!!! Нимрен те хӑраман ӗмӗтсемпе пурӑнать. "Ҫӗр ҫула ҫитмесӗр ватӑлмастпӑр-ха!", - тет...

Корнилов тӗнчи - темле куҫа курӑнман янтравлӑ-ялтравлӑ тӗнче. Хӑйне пит савӑк туять кунта вӑл. Эппин, кашни кунах Мӑн Тӗнчене илсе тухакан унӑн чун илпеклӗхӗ нумай-нумай ҫулсем пурӑнма вӑй-хӑват кӳрсе тӑтӑрччӗ хисеплӗ те пултаруллӑ ӑсчаха, вӗрентӳҫӗне, академика!!!

© Л. Пӑртас

 
От редакции: Размещение статей не означает, что редакция разделяет мнение его авторов.

Комментарии:

Agabazar // 4273.53.3460
2021-03-19 18:56
Agabazar
Пăртас е Пăрттас? [Пордас] е [Портас]?
Тимӗр Акташ // 6095.4.6306
2021-03-19 23:27
Саламлатпар, Геннадий Емельянович!
Евразиец // 1977.69.9930
2021-06-21 19:30
Агапазару. Если "Пăртас", то читается по-чувашски "Пăрдас", а возможно и "Пăрттас". Но в русском "Портас" нет. М.б. "верховые" чуваши вместо "Ă" будут читать "О". Я не лингвист... и вообще не специалист по языкознанию.
А вот у Акташа "саламлатпАр..." - не верно, нужно "саламлатпĂр", по крайней мере "луговые" читают-озвучивают так, но, возможно, "верховые" - "саламлатпОр". Тимĕр Акташ, как татарин, только себя любит(своё пишет "ТимĔр", а не "ТимЕр"), поэтому всегда каверкает чувашские слова.
Agabazar // 2824.69.6146
2021-06-29 18:11
Agabazar
Чăвашла кала, евраçийццă.
Евразиец // 1977.69.9930
2021-06-29 20:27
Тен чăвашла калаç, Agabazar? "Чăвашла кала,,," - мĕн тесе калас? Эсĕ купăс кала, юмах кала... Юмаха йама, суйма ăста маттур эсĕ, Agabazar. Анчахта шăршлă юхăм-калаçу санран нумай.
Тимер // 2613.99.6836
2021-06-30 08:01
Вӑйлӑ ҫырнӑ Леонид пичи.
Agabazar // 2442.53.1843
2021-06-30 18:49
Agabazar
Пăртас тени чăваш чĕлхинче [пăрдас] евĕр вуланать. Урăх вариантсем çук.

Добавить новый комментарий

Ваше имя:
Ваш комментарий:
B T U T Заг1 Заг2 Заг3 # X2 X2 Ӳкерчĕк http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Если у вас все еще нет раскладки для печати текста на чувашском языке, ее можете взять ЗДЕСЬ.

Разрешенные Wiki тэги:

__...__ - выделение слова ссылой.

__aaa|...__ - выделение некого слова ссылкой на другое слово.

__http://ya.ru|...__ - выделение слова ссылкой на внешнюю ссылку.

**...** - выделение жирным.

~~...~~ - выделение курсивом.

___...___ - выделение подчеркиванием.


Orphus

Баннеры

Счетчики

 
О сайте | Помощь сайту | Статистика
(c) 2005-2017 Chuvash.Org | Номер свидетельства о регистрации в качестве СМИ: ЭЛ № ФС 77 - 68592, выдано 3 февраля 2017 года Федеральной службой по надзору в сфере связи, информационных технологий и массовых коммуникаций (Роскомнадзор).
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org