Нелли Пальмова: Сыватӑшран янӑ саламсем

Нелли Пальмова30.10.2020 18:526968 просмотров

«Чӑваш халӑх сайчӗн» яланхи хыпарҫи Виталий Станьял юлашки вӑхӑтра сыватӑшра выртрӗ. Кунта хавасли акӑ мӗн: ун патне юлташӗсем Раҫҫейӗн тӗрлӗ кӗтесӗсенчен шӑнкӑравласах тӑнӑ иккен. Аякран килнӗ саламсене (Михаил Саватнеев музыкант, Камчатка* Федор Мадуров учитель, Аксу* Валерий Ильдуганов культуролог, Тюмень* Николай Кондрашкин скульптор тата ытти нумай ҫыннисене) аксакал кӗске йӗркесемпе тав тунӑ.

Сире сыватӑшри хӑшпӗр саламсемпе паллашма сӗнетпӗр.

* * *

Кам пӗлет мӗскер пулассине?

Шанчӑкпа упратӑп вӑй-хала.

Хӳтлӗх кирлӗ пӗчӗк ҫынсене,

Танлӑх кирлӗ пурнӑҫ майлама.

* * *

Калатӑн эс — ҫын пурӑнни телей.

Этем патне пыратӑн пӗр хаваслӑ.

Чӑваш турри! Парсамччӗ сан тӗле

Пехет те пурлӑх, сӑвапсем курмалӑх.

* * *

Пурнатпӑр. Курнатпӑр. Каятпӑр.

Ӗҫ ӗҫлетпӗр-ха, унсӑр мӗнле?

Кунҫула ҫакӑ пурнӑҫ таять-тӑр,

А ӑна эпир пӗртте пӗлмен!

* * *

Эпир санпа иртен-ҫӳрен кӑна.

Каятпӑрах тухса ыран-паян.

Те чухлаятпӑр-ха ӑна-кӑна,

Те ним пӗлмесӗрех иртсе каян...

* * *

Усал алхаснӑ вӑхӑтра

Ман ӗмӗр иртрӗ.

Салтак пекех, хаяр вутра,

Пире вӑл хӗртрӗ.

Тӗрӗс тесе тавлашӑнма

Тек кирлӗ пулмӗ.

Ӳпкелешме те ютшӑнма

Чӑвашлӑх хушмӗ.

* * *

Пиелесе ӳҫтерчӗ кил хуҫи.

Ачашласа этем картне кӑларчӗ.

Халь хамӑр та вӗт пултӑмӑр мучи.

Пире те, тен, несӗл тӗпне хӑварчӗҫ?

Тата кама йӑхсен тав тумалла?

Тата мӗскер вӑл мухтанмалӑх тӗп ӗҫ?

Калатӑп хытарсах: яшсем — мала,

Кил вучахне упрамалла — сан тивӗҫ!

От редакции: Размещение статей не означает, что редакция разделяет мнение его авторов.

[Добавить новый комментарий (12)]

См. также

2024.08.20

Agabazar // 1435.67.9903 2020.10.31 08:39
	Этот комментарий удален. Причина: темӑпа ҫыхӑнман
Леешкукша // 2440.14.5966 2020.10.31 12:36
	Этот комментарий удален. Причина: темӑпа ҫыхӑнман
Аçтахар Плотников // 2923.46.2066 2020.10.31 12:41
	Акапасар, куратӑн ӗнтӗ, темӑран пӑрса янипех комментарисем пач та урӑх ҫулпала кайма пуҫлаҫҫӗ! Пӗрре асӑрхаттартӑм, иккӗ асӑрхаттартӑм. Шута илместӗн. Комментари ҫырма чарасах пулать ӗнтӗ.
Нелли Пальмова // 2140.69.7903 2020.11.01 21:54
	Читаете ли , далекие земляки этот сайт, как вас еще помнит и почитает ваш чувашский аксакал?, Благодарит он местных бесконечно: Тимер, Тургай, врач Дмитриев, Ерагин, Чаганар, Эткер, Эльмень, учительницы Майорова, Александрова, Иванова пенсионер Орлова и другие давние знакомые во все трудные дни были с ним и находили самые нужные слова. Истинно верно, что вода нужна во время пожара!
Владимир Николаев - Изачак // 1753.69.7589 2020.11.02 12:04
	Будущее можно ль предсказать? На здоровье я надежды вон, храню. Слабому защиту нужно б дать, Мудрости б, в ладу жить жизнь свою...
Нелли Пальмова // 4142.12.7254 2020.11.03 14:02
	Спасибо, Изачак! Станьял тебе поклон передает.
Владимир Николаев - Изачак // 1282.81.1795 2020.11.03 14:41
	Уважаемая Н. Пальмова! Должен извиниться,перевел только одну строфу; можно бы и остальные, но пока не в состоянии. нахожусь в безутешном трауре. Да и перевод этот -экспромт, над ним следовало бы еще хорошенько подумать. Желаю Виталию Петровичу скорейшего выздоровления, привет ему
Нелли Пальмова // 4142.12.7254 2020.11.03 20:42
	Крепись!
Agabazar // 2824.69.6146 2020.11.03 22:10
	«Пульницца» сăмаха темăпа çыхăнман тенине куçкĕрет кулни-йĕкĕлтени вырăнне хуратăп. <br>Анчах та ку «сыватăш» тенине хирĕç пулнине пĕлтермест. Виталий Петровччăна, çавăн пекех тата ыттисене те, сывлăх сунманнине те систермест. Тĕрĕссипе каласан, Станьял манăн ал тытса паллашнă юлташсен шутне кĕмест те, çавăнпа та пуринчен малтан («черетсĕр») ашпиллĕ, ыр сунăмлă шухăшсене калама вырăнлах мар тесе шутланă. Унăн манран чылай çывăхрах юлташĕсем пур. Çын сывлăхĕ шутра чухне пульниццасем çинчен павраса тăмалла мар тесе ма тÿррĕн калас мар?
Хамыръял // 1671.80.9935 2020.11.11 18:50
	Кил вучазне упрамаллв вăл пирĕн тивĕç Тĕрĕс!