Войти | Регистрация | Вход необходим для полного использования сайта
 +7.3 °C
Идея это не голая абстракция, а скорее побуждение к действию.
(Ален)
 

Статьи

 
 

Чаще других пишут

 

292 запись
 
 
Тимӗр Акташ
34 запись
 
 
Vladimir_Nikolaev
15 запись
 
 
 
 
 

Урамсен чӑваш ячӗсем

 

Урамсен чӑваш ячӗсем питӗ илемлӗ. Вӗсене тишкеретӗн те чӑвашсем мӗнле кӑна ят паман-ши тесе тӗлӗнетӗн. Шел те, хальхи вӑхӑтра хӑлӑх ӑсӗ мӑкарах пулас. Вӗсен фантази ҫитмест. Юрӗ, тейӗпӗр, Совет саманинче ҫӳлтен хушнӑ та чылай ялта Совет, Комсомол, Ленин тата ытти ҫавнашкал урамсем купипех шӑтса тулнӑ. Хальхи вӑхӑтра унашкалли ҫук, анчах ҫавах питӗ хавшак: ӑҫта ан пӑх — Садовая, ӑҫта ан пӑх — Южная та Лесная, Парковая та Луговая... Молодежная е Новая текеннисем пирки калаҫу та ҫук.

Лапсар ялӗнчи урам ячӗсем пулман пулас. Е сыхланса юлман. Пӗр урамӑн кӑна темиҫе ят пур: ӑна е Киремет урамӗ теҫҫӗ, тата авал Парник урамӗ тени сыхланса юлнӑ. Эпир вара ытларах Пӗрремӗш урам, Иккӗмӗш урам тата Виҫҫӗмӗш урам тетпӗр (сӑмах май, эпир, Комсомол урамӗнче пурӑнакансем, ӑна Пӗрремӗш тетпӗр, Шупашкар урамне — Виҫҫӗмӗш; Шупашкар урамӗнче пурӑнакансем вара урӑхла — хӑйсенне Пӗрремӗш, пирӗнне Виҫҫӗмӗш).

Таврари ялсенчи хӑш-пӗр урам ячӗсене пӗлетӗп. Ассакасси ялӗнче пӗр урам ҫеҫ пулнӑ та ун ячӗ пулман ӗнтӗ. Халӗ те вӗсен пӗр урам ҫеҫ — «Асакасинская». Попой (Хурӑнлӑх) ялӗнчи урам ячӗсем кӑсӑклӑ. Пӗрин ячӗ ҫук пулас, ӑна ытларах «Вӑрӑм урам» тенӗ (хальхи Вӑрман урамӗ), кӗскин ячӗ вара темиҫе: Турчка урамӗ те, Урлӑ урам та, Пирчук урамӗ те. Иккӗшӗ ун хурмине пула лекнӗ пулас, виҫҫӗмӗшӗ — ҫын ятӗнчен. Хӑй вара халь Шкул урамӗ ятлӑ (унта малтан, 1980-мӗш ҫулсем таранах, пуҫламӑш шкул пулнӑ).

Атайкасси ялӗнчи темиҫе урам ятне пӗлтӗм: Йокшу урамӗ (хальхи ячӗ — Завод урамӗ); Катимыш урамӗ (хальхи ят — Симӗс урам пулас). Ҫавӑн пекех вӗсен Турикас, Анаткас урамӗсем пур. Йокшу ячӗ пит кӑсӑклӑ — юнашар Йӑршу шывӗ юхса иртет...

Тата интереслӗ урам ячӗсем ман аттен тӑван ялӗнче пур. Вӑл Сӗнтӗрвӑрри районӗнче вырнаҫнӑ, Мӗшӗл ятлӑ (унта, сӑмах май Николай Овчинников художник ҫуралнӑ). Ак вӑл ятсем: Хӑрах урам (хальхи ят — ул. Николаева; унта ҫуртсем пӗр енӗпе ҫеҫ вырнаҫнӑ), Ваҫли картиш (ул. Васильева), Пуян картиш (ул. Овчинникова), Пиллӗк килли (ку урамра ман атте ҫуралнӑ; халь вӑл ул. Речная), Малтикас урамӗ (ул. Восточная), Шапа ҫырми (ул. Лесная), Лешайкки (Школьная пулас). Ялтисем калаҫура чӑвашла ячӗсемпе усӑ кураҫҫӗ... Хам та Пиллӗк килли ята ҫеҫ пӗлсе, «Речная» ята вара — картта ҫине пӑхсан тин.

Эсир те хӑвӑр ялӑрсенчи чӑваш ячӗсене пӗлетӗр пулӗ? Вӗсем илемлӗ пулсан ҫырса пӗлтерӗр.

Чӑваш халӑх сайчӗ 18 ҫула ҫитрӗ

Чӑваш халӑх сайчӗ — 17 ҫулта

Тӗнче пӗтмесӗр Вӗрентӳ пӗтмест

Ниме. Ӑҫта вӑл ҫухалнӑ? Ӑҫта ӑна шырамалла?

Новые

17.04.2024 19:43Как получить деньги дол зарплаты

15.04.2024 09:45Распознавание документов на базе искусственного интеллекта: ключ к цифровой трансформации для предприятий

12.04.2024 15:23Хв. Уяр. Аттене мӗнле вӗлерчӗҫ (асаилӳ)

04.04.2024 21:32Освоение цифрового пространства: необходимость создания B2B портала для устойчивого развития бизнеса

04.04.2024 21:29Еще раз о чувашах. Реплика

04.04.2024 18:30Чуваши есть чуваши...

04.04.2024 18:21Внедрение оптовых онлайн-магазинов: переломный момент для СМБ

03.04.2024 09:41Ҫӗпӗрте, Иртыш хӗрринчи Чӑваш сӑмсахӗ ҫинче

29.03.2024 08:14Как правильно купить землю в Кызыле: рекомендации и советы

07.03.2024 17:05О старейшинах народного хурала и об общественных наградах

Тематики

Часто комментируемые

6187Хаклӑ йӑхташӑмӑрсене чӗнсе калани

1668Ҫӗпӗрте, Иртыш хӗрринчи Чӑваш сӑмсахӗ ҫинче

1293Чуваши есть чуваши...

1203Хв. Уяр. Аттене мӗнле вӗлерчӗҫ (асаилӳ)

910Внедрение оптовых онлайн-магазинов: переломный момент для СМБ

899Освоение цифрового пространства: необходимость создания B2B портала для устойчивого развития бизнеса

890Как правильно купить землю в Кызыле: рекомендации и советы

823Еще раз о чувашах. Реплика

694Распознавание документов на базе искусственного интеллекта: ключ к цифровой трансформации для предприятий

310Как получить деньги дол зарплаты

Orphus

Баннеры

Счетчики

0 Флудильня (чат)