Войти | Регистрация | Вход необходим для полного использования сайта
ЧӑвашлаEnglishEsperanto
 +18.6 °C
Все можно познать, только не самого себя.
(Стендаль)
 

Малалла утар!

2009 ҫула пӗтӗмлетсе

■  22.12.2009 21:07 | 4884 просмотров
http://chuvash.org/blogs/comments/161.html — кунта 2006 ҫул пӗтӗмлетӗвӗ.
http://chuvash.org/blogs/comments/531.html — кунта пӗлтӗрхи, 2007 ҫул пӗтӗмлетӗвӗ.
http://chuvash.org/blogs/comments/785.html — кунта пӗлтӗрхи, 2008 ҫул пӗтӗмлетӗвӗ.

Малтан япӑххине аса илес пулӗ.
1. Чи малтан Шоркка арманӗ пирки. Шел те, ку ӗҫ манран пулмасть пулас. Сӑмах май каласан ку ӗҫре пулӑшма пултаракан ҫынна та тупрӑм теме пулать... Анчах та ку ӗҫпе кӑҫал пӗрре те аппаланмарӑм. Япӑх.

Далее...

 

Сайты республик. 3 года спустя

■  21.12.2009 22:01 | 6639 просмотров
Это исследование мной уже проводилось 3 года назад. Оно имеет цель сравнить сайты республик, главной особенностью которых, в отличие от других субьектов РФ — это то, что они являются национально-государственными образованиями. Посмотрим, как устроены их сайты (очень кратко):

* http://www.adygheya.ru/ (Адыгея) — главная страница на русском. (гос. языки: русский, адыгейский). Сайт кажись содержит только новости на русском языке. Наполнение сайта — хорошее. В общем, изменений никаких.

Далее...

 

Ҫӗн планетӑна чӑвашсен ятне пама сӗнеҫҫӗ

■  17.12.2009 15:55 | 5040 просмотров
http://www.lenta.ru/news/2009/12/17/blogs/

Хӑшӗ-пӗри пӗлмест те пулӗ — нумай пулмасть уҫлӑхра шывлӑ планета шыраса тупнӑ. Унта шыв кӑна мар, сывлӑш та пур имӗш. Ҫапах та температури унта ытла сивӗ — 200 градуса ҫитет.
Wired журнал планетӑна ят памалли конкурса йӗркеленӗ. Пӗрисем ун ятне Ҫӗпӗр пама сӗнеҫҫӗ — сасӑлама чӗнеҫҫӗ.

Хӑшӗ-пӗри пӗлмест те пулӗ — Ҫӗпӗр ятра чӑвашсен (сабирсен) ячӗ пур текен гипотеза пур. Ну мӗнле? Чӑвашсен авалхи ячӗшӗн сасӑлӑпӑр-и?
 

«Йышӑнман сӑмахсем». Любовь Мартьянова

■  12.12.2009 20:43 | 5645 просмотров
Любовь Мартьяновӑн «Йышӑнман сӑмахсем» кӗнекине кӗртсе пӗтертӗм. Кӗртессе тахҫанах пуҫласаччӗ те халь тин вӗҫлерӗм.

Ман шутпа питӗ пултаруллӑ сӑвӑҫ. Ак «Чӑвашла» сӑввинех илес:

Чӑвашра вӑрман та чӑвашла кашлать,
Шӑпчӑк та юрлать кунта халь чӑвашла.
Сассӑм пин чӗлхеллӗ халӑх хушшинче
Янӑрать хавассӑн, уҫҫӑн, чӑвашла.

Мӗнле хӑватлӑ! Унӑн сӑввисене ман шутпа пурин те вуласа тухмалла. Чӑвашлӑх туйӑмне ҫӗклет.
 

Илпек Микулайӗн «Хура ҫӑкӑрӗ». Пӗрремӗш кӗнеки

■  05.12.2009 14:48 | 5049 просмотров

Илпек Микулайӗ ҫырнӑ «Хура ҫӑкӑр» романӑн пӗрремӗш кӗнекине кӗртсе пӗтертӗм. Халӗ, ӑна та шута илсен, вулавӑшра пулӗ 4 роман пулать. Сӑвӑллӑ романа, историллӗ романсене шута илсен — тата та ытларах ӗнтӗ. Вулавӑшри саспаллисен шучӗ 9 000 000 иртрӗ!

Вуланӑ май, яланхи пекех, сайра усӑ куракан, хам пӗлмен сӑмахсене ҫырса илтӗм:
араслан — выр. разрастаться. «Лаштра» сӑмахпа пӗр килет пулас.

Далее...

 

Тӳрӗ эфирта калаҫрӑм

■  01.12.2009 11:23 | 4864 просмотров
Иртнӗ эрнекун, чӳкӗн 27-мӗшӗнче, Наци радиовӗнчи тӳрӗ эфирта пултӑм. Кӑларӑмӗ «Ҫӗр сум» ятлӑ, ӑна Олег Прокопьев ертсе пырать.
Унччен тӳрӗ эфирсенче пулманскер пӑшӑрхантӑм паллах. Кайран вара мӗн пулать те мӗн килет тесе хӑрамасӑр кайса лартӑм. Ҫур сехет ытла та нумай тесеччӗ малтан — ку вӑхӑт вара питӗ хӑварт иртсе кайрӗ. Сиссе те юлаймарӑм — пирӗн калаҫӑва пӗтӗмлетме вӑхӑт та ҫитнӗ иккен.
Чипер су пулсан наци радиовӗн программине сайтра вырнаҫтарӑпах. Хальлӗхе темӗскер вӑхӑт тупаймастӑп-ха...

Тӳрӗ эфирта мӗн калаҫнине кунта итлеме май пур:
http://music.

Далее...

 

Калаҫрӑмӑр

■  04.11.2009 13:35 | 5425 просмотров
Паян, канмалли кун микрофона алла тытса Тимӗркке Митяйпа тата Улатимӗрпе Скайп урлӑ калаҫрӑм. Виҫҫӗн харӑс.
Калаҫу лайӑх иртрӗ, мана килӗшрӗ — Тимӗркке Митяй купӑс та каларӗ, эпир юрӑсем юрларӑмӑр. Эп хам та ыттисенчен юлас мар тесе пӗр юрра мӗкӗрленсе (мӗн тӑвас, Турри юрӑҫ ӑсталӑхне паман) юрласа патӑм :).
Пӗр калаҫӑва пурӗ 24 ҫын хутшанма пултарать теҫҫӗ те — тепӗр хутӗнче тен, ытларах ҫынпа калаҫу йӗркелемелел пулӗ?
 

«Таркӑн» романа кӗртсе пӗтертӗм

■  24.10.2009 12:05 | 5193 просмотров
Ҫапла, ӗҫри пушӑ вӑхӑта усӑ курсах Хветӗр Уярӑн ҫак пысӑк романне кӗртсе пӗтертӗм. Ӑна кунта тупма май пур:
http://chuvash.org/lib/haylav/1924.html

Хайлавӗ пӗр енчен килӗшрӗ ӗнтӗ, тепӗр енчен темӗскер ҫитмест пек туйӑнать. «Шурча таврашӗнче» ят панӑ та романӗ Шурча вӑрҫи тавра ҫеҫ ҫӳрет. Вӑрҫӑ пирки асӑннӑ вырӑнсене те ытларах документаллӑ майпа ҫырнӑ. Хӑй вӑрҫине, ҫапӑҫнине, ҫырса кӑтартман. Вулавҫӑн ӑна хӑйӗн ӑсӗнче ҫавӑрттарса ирттермелле. Вӑрҫӑ таврашри ӗҫсене самай лайӑх сӑнаса панине пула вӑрҫине курма йывӑр мар.

Далее...

 

Элӗк тӑрӑхӗнче пултӑм

■  17.10.2009 14:56 | 4955 просмотров
Ҫапла, пӗр икӗ-виҫӗ хут ҫитме палӑртнӑ ҫӗре юнкун ҫитсе куртӑм-куртӑмах. Элӗк - Асамат - Витеҫуч - Торӑпкасси - Павлушкӑнь - Хуравар - Кӗҫен Тӑван - Кармал - Тени - Кайри Хирлеп - Малти Хирлеп ялсене ҫитсе куртӑм. Кайран вара, Вӑрнар районне каҫнӑ хыҫҫӑн, Ойкас - Малтикасси - Ҫӗнъял - Калинин ялсенче пултӑм. Калининтан вара Лапсара автобуспа ларса ҫитрӗм ӗнтӗ.
Сӑнӳкерчӗксене каярах вырнаҫтарӑп, халӗ вара ку фотосессире мен курни-илтни пирки пелтерес тетӗп.
Витеҫучре Алина Аркадьевна амӑшӗ мана хапӑл кӗтсе илчӗ — ял тавралӑхӗпе паллаштарчӗ. Питӗ правур — мана таҫтичченех ӑсатса ячӗ, Торӑпкассине ҫул та кӑтартса ячӗ.

Далее...

 

yumah.com сутаҫҫӗ

■  06.10.2009 19:04 | 4751 просмотров
Паян ман пата ҫыру килчӗ.
Эх, мӑнтарӑнсем... yumah.ru домен ман алӑра пулнӑран пулӗ ҫырса янӑ. Yumah.com домена шереметсем сутатпӑр тет, хаклах мар тет :). Мӑнтарӑнсем... Yumah.ru доменӗ те никама кирлӗ мар пирки чухламаҫҫӗ. Вӗсем вара мана тепӗр домен туянтартарасшӑн. Ятарласа кӗрсе пӑхрӑм — мӗн чухлӗ ыйтаҫҫӗ-ши тесе — 97 доллар иккен. Сайтне аукцион манерлӗ тунӑ — кам ытларах парать, ҫавна сутса яратпӑр имӗш. 120 долларпа туянатӑп тесе хуравларӑм. Ан тив, домен хакӗ ӳстӗр — хӑйсен ухмах пуҫне пула тен yumah.net, yumah.org доменсене те туянса хурӗҫ :)

Пӗрисем, ав, ggm-rpg.

Далее...

 

Апачӗ тутлӑ пултӑр е камӑнлӑх категорийӗ

■  06.10.2009 14:33 | 6528 просмотров
Халӗ, эпир, чӑвашсем, апата ларнӑ чухне «Апачӗ тутлӑ пултӑр!» тетпӗр. Леш, «Приятного аппетита!» текен чӑвашне тӗкӗнмӗпӗр, чӑвашла пуплекенни пирки сӑмах хушӑпӑр.
Пирӗн чӗлхе улшӑнсах пыни пурне те курӑнать пулӗ? Вырӑсланни ҫеҫ мар, чӑвашла та эпир урӑхларах калаҫатпӑр. Хӑш-пӗр улшӑнусем вырӑс чӗлхи урлӑ кӗреҫҫӗ («Иван Иванович ХХ ҫулта» теес вырӑнне «Иван Ивановича ХХ ҫул!»; «-ра/-ре/-та/-те» аффикс вырӑнне ҫине-ҫинех «ҫинче» сӑмаха усӑ курни тата ытти те), теприсем вара хамӑр улшӑннинчен пулӗ...

Ак, «Таркӑн» романа вуланӑ май мӗн тӗл пулчӗ:
«— Апат тутлӑ пултӑр!

Далее...

 

Сӑра вӗретме чараҫҫӗ-ши?

■  06.10.2009 11:04 | 5185 просмотров
http://www.lenta.ru/news/2009/10/06/beer/ — Депутат-справоросс предложил лицензировать производство и продажу пива.


Таким образом, для производства и продажи пива необходимо будет получать лицензии, а пиво крепче 9% нужно будет снабжать акцизными марками. Кроме того, если закон примут, будет запрещена реклама пива по радио и на телевидении, а пиво можно будет продавать только в магазинах.


Кунашкал сакуна йышӑнсан ахаль ҫšнсен сӑра та вӗретме юрамасть ӗнтӗ... Ахаль ҫынсен эрех тума юрамасть-ҫке — ҫавнашкал чӑвашӑн та сӑра вӗретме май килмӗ.

Далее...

 

Доктор Вэб та пулӑшаймӗ

■  01.10.2009 17:00 | 4492 просмотров
http://ithappens.ru/story/1297

Пирӗн пулӑшу службине хӗр шӑнкравларӗ:
— Алло. Эп вирус ҫаклатрӑм, ман пата килеймӗр-ши?
— Пултаратпӑр. Вирус пурри мӗнрен палӑрать вара?
— Экранӗ тӗксӗм, варринче — шур эрешмен карти.

Тӗлӗнтӗмӗр, ҫавах та ҫула тухрӑмӑр. Ҫитрӗмӗр — сӗтел ҫинче ванчӑк мониторлӑ ноутбук лара парать, кӳлепи те ҫӗмрӗк. Эпир тӗлӗннине кура хӗр ним пулман пек ӑнлантара пуҫларӗ:

— Компьютера ӑнсӑртран ӳкертӗм — вӑл майӗпен ӗҫлеме пуҫларӗ. Юлташ хӗр вирус лекнӗ пулӗ тесе пӗлтерчӗ, унтан хӑтӑлма тепӗр хут ӳкерме сӗнчӗ — вара вирусӗ ҫухалать терӗ.

Далее...

 

Сӑмахсене куҫарма манса каятпӑр-и?

■  01.10.2009 11:52 | 4295 просмотров
Хаҫат-журналтан чылай статья, хайлав сканерлама тивет. Юлашки вӑхӑтра сӑмахсене йӗркерен йӗркене тӗрӗс мар куҫарни час-часах тӗл пула пуҫларӗ. «Тӑван Атӑл» журналта виҫӗ тӗлте куранчӗ. Ак халӗ, «Хыпарти» «Тӑхти тӗнчи — чӑваш чунӗ» статьяна сайта кӗртес ӗҫпе ларатӑп. Кунта та «ытамӗнчен» сӑмаха «ытамӗ-нчен» майлӑ куҫарнӑ. «Ытамӗн-чен» мар-ши?
«Тӑван Атӑла» (2009, 8№), унти тӗслӗхсене илме, уҫрӑм кӑна — тӳрех ман ума тухса тӑчӗҫ: «ютш-ӑнмасӑр» (чӑн та ӑнман :) /109 стр./. Ку хайлава /«Тор тӑрӑхӗнче»/ эп вуламан-ха, каярах кӗртме шутлатӑп), «кил-ӗшмерӗ» (кунашкал ытлашши йӑнӑшах та мар пулӗ, эпӗ «ки-лӗш-ме-рӗ» майпа уйӑрнӑ пулӑттӑм /109 стр.

Далее...

 

«Тупмалли юмахсем» ӑмӑрту пирки

■  29.09.2009 22:24 | 8134 просмотров
Чӑн та, кун чухлӗ ача хутшӑнасса эпӗ кӗтменччӗ. Пин ытла! Чи нумаййи 267 пухма пулать — ун чухлӗ пухакансен шучӗ пулмасть те пулӗ тесеччӗ. Ҫук иккен, йӑнӑшнӑ. Эрне те иртмерӗ пулӗ — 267 пухрӗҫ те. Паллах, кӗнекепе(-семпе темелле ӗнтӗ — тупмалли юмахӗсене эпӗ 3 кӗнекерен илсе) лараҫҫӗ — тупсӑмӗсене хӑйсен пуҫӗпе кӑна шыранӑ пулсан 100 ытла пухма ытла та йывӑр.
Чи пӗрремӗш ҫитменлӗх — темиҫе хут регистрациленме май пани. Шутласаччӗ — тупмалли юмахӗсем йывӑр, тупсӑмӗсене тупма ҫӑмӑл мар. Пӗрре кӑна хуравласа пӑхнӑ хыҫҫӑн, чылай тупмалли юмахӑн тупсӑмне пӗлеймен хыҫҫӑн ачасен интересӗ пӗтет пулӗ тесеччӗ.

Далее...

 

«Аякка ӑсатни»

■  25.09.2009 09:58 | 4653 просмотров
Пӗр-пӗр хирӗҫӳ, е пӑтӑрмах сиксе тухсан вырӑс ӑҫталла ӑсатать? «Иди на х%;6й!» — тесе пире аякри ҫула ярасшӑн.
Чӑвашӑн та унашкал сӑмахӗ пур: «Ҫӑва патне!» — тет иккен.
 

«Усал йӑви. Сӳннӗ шанчӑк»

■  15.09.2009 23:03 | 4392 просмотров
«Усал йӑви. Сӳннӗ шанчӑк» («Обитель зла. Вырождение») мультфильм пӑхрӑм паян. Чӑн та, тӗнчери технологисем самай аталанса ҫитнӗ. Ҫынсен пичӗсем чӑнлӑхри пекех, хусканӑвӗсем — тикӗс, малтанхи 3D мультфильмсенчи пек тытӑнчӑклӑ мар. Хӑш-пӗр компьютер графики паллах тата та мала кайнӑ — ак «Ҫӗрӗсен хуҫи» (вырӑсла эпир ӑна «Властелин колец» ятпа пӗлетпӗр) фильмах илер — чылай пайне компьютерпа ӳкернӗ. Горлумах — чӑн мар, тӗппипех компьютер моделӗ.
Вӑт, вӑхӑт шӑвать, технологисем аталанаҫҫӗ — чӑвашсен вара халӗ те пӗр мультфильм та ҫук. Хӑлтӑр-халтӑрри те пулин ҫук.

Далее...

 

«Ҫич ҫунатлӑ курак»

■  30.08.2009 20:54 | 4919 просмотров
Сутлӑхра Денис Гордеевӑн кӗнекисем чылай пулнине тахҫанах сӑнаса. Малтан, хӑйӗнпе паллашман чухне, эп ӑна ҫамрӑк ҫыравҫӑ пулӗ тесеччӗ — темшӗн-ҫке, ман пуҫра Денис ят ҫамрӑксемпе ҫеҫ ҫыхӑнать. Те ман юлташсем хушшинче Дениссем чылай пулнӑран (пурте ҫамрӑк), те хӑй ячӗн тулли варианчӗ мӑнаҫлӑ пулманран, ҫамрӑкла илтӗннӗрен. Ак, Василий ятах илер: Вася тесен ҫамрӑкки куҫ умне тухать, Василий тесен — мӑнни. Денис вара — ҫамрӑкки те ҫула ҫитни те пӗрех.
Паян Денис Гордеевӑн «Ҫич ҫунатлӑ курак» повеҫне вуласа тухрӑм.

Далее...

 

113 тенкӗ выляса илтӗм

■  28.08.2009 13:47 | 4736 просмотров
Паян 113 тенкӗ выляса илтӗм. Нумай пулмасть хамӑн Яндексри енчӗке усӑ курса Билайн номерӗ ҫине укҫа хурсаччӗ — ҫавӑн чухне ӗнтӗ «сире лотто билетне парнелерӗҫ» тесе пӗлтерчӗҫ. Лоторейӑра ӑнӑҫу пуласса нихӑҫан та ӗненмен — ҫапах та кунта тӳлевсӗр лекрӗ те хӑтланса пӑхас терӗм. Регистрацилентӗм.
Паян ак тиражӗ пулчӗ иккен — пилӗкӗшӗнчен икӗ хисепӗ тухнӑран 113 тенкӗ выляса илтӗм пулать. Укҫине те куҫарса пачӗҫ ӗнтӗ. :)
Тулькӑш тем тесен те укҫа парса вӑл билетсене илмӗп — пӗр билечӗ 90 тенкӗ тӑрать. Пӗр хисепне те пӗлмесен — нимӗн те лекмест.

Далее...

 

Чӑвашла та Хозандайкино!

■  24.08.2009 21:34 | 5060 просмотров
Иртнӗ шӑматкун каллех чӑваш ялӗсене ӳқерме ҫула тухрӑм. Малтан Элӗк районне ҫитес шухӑшсем пурччӗ, анчах та вӑл кун умӗн темиҫе кун сахал ҫывӑрнине пула пиллӗк ҫурӑра ниепле те тӑрас килмерӗ. Саккӑрччен ҫывӑрнӑ хыҫҫӑн, пӗр килнӗ-килнех ӑҫта та пулин кайса килес терӗм. Элӗк районне ҫитейместӗп пулӗ терӗм — канмалли кунсенче автобуссенче халӑх лӑк тулли пулӗ... Ҫавна май Шупашкарпа Муркаш районӗсене ҫитес терӗм. Велосипеда утлантӑм та вӗҫтертӗм. Малтан Кивпулӑх хӗррипе иртсе Вашука ҫитрӗм. Малалли ҫул ҫав ялпа юнашарах вырнаҫнӑ Хосантая выртрӗ.

Далее...

 
Страницăсем: 1, ... 20, 21, 22, 23, 24, [25], 26, 27, 28, 29, 30, ... 47

Меню

Orphus

Баннеры

Повествование о чувашах



Газета Республика

Счетчики

0 Флудильня (чат)

Статьи

￭ Симек - 2026

Как проходит чек-дайв и зачем он нужен перед погружениями в Египте
 
Судьба и наследие легендарного Ухсая17
 
Рестораны на воде Новая Рига: Откройте Вкус и Уют в Soho Country Club
 
Почему ароматические ванны так помогают расслабиться
 
Оборудование для замены масла: особенности и преимущества
 
ROSSKO: как устроен один из лидеров рынка автозапчастей в России и что это значит для водителя и бизнеса
 
Разновидности коньяка
 
Демо-счет на криптобирже
 
Сертификация упаковки по ТР ТС 005/2011: что требуется производителю?
 
Чупту мана хытӑ2
 
 
 
О сайте | Помощь сайту | Статистика
(c) 2005-2026 Chuvash.Org| Средство массовой информации сетевое издание «Чӑваш халӑх сайчӗ» (реестровая запись от 03.02.2017 серия ЭЛ № ФС 77 - 68592), зарегистрировано Федеральной службой по надзору в сфере связи, информационных технологий и массовых коммуникаций (Роскомнадзор).
Содержимое сайта (кроме статей, взятых из других источников) публикуется на условиях CreativeCommons Attribution-ShareAlike 3.0. Вопросы по работе сайта: site(a)chuvash.org