Малалла утар!

Яманакра тепре пултӑм

■ 05.06.2010 10:46 | 3802 просмотров

Ку ялта ӗнер иккӗмӗш хут пултӑм ӗнтӗ. Чи малтанхи хут — виҫӗ ҫул каялла (тӑваттӑ та теме пулать) — 2006 ҫулхи авӑнӑн 29-мӗшӗнче. Вӑл вӑхӑтранпа пулса иртнӗ улшӑнусене сӑнама та интереслӗ пулчӗ. Ялӑн Йӑлӑм ятлӑ пайӗнче икӗ сарай ларатчӗ — халӗ вара пӗрре кӑна. Эддисон Патмар (ун патне хӑнана кайрӑм ӗнтӗ) килӗ патӗнчи пӗвере малтан шыв та, хурсем те пурччӗ пулсан — халӗ шывӗ ҫуккипе пӗрех. Чиркӳ пурччӗ — хута яманччӗ. Халӗ те ларать — йӗри-тавра самай хӑт кӗртнӗ пулин те ҫӑк виҫӗ ҫул хушшинче хута яман. Шкулне ун чухне тин кӑна хупнӑччӗ те малтанхи хут килнӗ чухне чиперех ларатчӗ.

Далее...

[Добавить новый комментарий (1)]

Ҫимӗкре тӗрӗс асӑнмастпӑр?

■ 25.05.2010 15:41 | 4656 просмотров

http://www.smi21.ru/?mode=publicati ... 2010&date=14.05.2010 — ҫак статья куҫ умне халь тӗл пулчӗ.

Православи пупӗсемшӗн чӑвашсем ҫӑвана питӗ нумаййӑн ҫӳрени ытла та кансӗрлет пулас.

Чиркӗве килнӗ халӑх Турӑшсемпе чиркӳ ялавӗсем йӑтса масар ҫине каймалла. Масар ҫинче каллех пӗчӗк панихида вуламалла. Ун хыҫҫӑн тин вилнӗ тӑвансен вил тӑпри ҫине саланмалла.

Ҫимӗкӗ чӑвашсен мӗн авалтан, вырӑссем парвославие кӗртес тесе ӑна хӑйсен уявӗпе пӗрлештернӗ те халӗ ӗнтӗ чавашӑн авалхи тӗн йӑлисене пушшех те пӗтересшӗн.

Далее...

[Добавить новый комментарий (8)]

«Шурӑ акӑш ҫулӗ». Николай Максимов

■ 07.05.2010 22:05 | 5690 просмотров

Нумай пулмасть Николай Максимовӑн «Шурӑ акӑш ҫулӗ» роман-халапне электронлӑ вулавӑша кӗртсе пӗтертӗм. Хӑй хайлавне «Тӑван Атӑлтан» илсеччӗ — виҫӗ номер хушши пичетленчӗ.
Кунашкал романсене Юхма Мишши (вӑл вӗсене историллӗ ромен тет-ха та...), Анатолий Кипеч (ыттисене алла тытса вуламан) ҫырма юрататчӗҫ. Халӗ ак, тепӗр автор ҫак анана кӗчӗ.
Мӗн калас? Пӗр енчен килӗшрӗ пек. Анчах тем ҫитмест пек туйӑнать. Пӗрремӗш пайӗ пӗтӗмӗшле илсен Керимпа ҫыхӑннӑ — Уксах Тимӗр Пӑлхара аркатса кайнипе пуҫланать («Пулат хан тӑхӑмӗ») те вӑл вилнипе («Вӗҫленмен сӑмах») вӗҫленет.

Далее...

[Добавить новый комментарий]

Пушкӑртсем тетел уҫлӑхне туха пуҫланӑ!

■ 27.04.2010 22:42 | 5038 просмотров

Пӑхатӑп та — пушкӑртсем пӗртте маххӑ памаҫҫӗ — пушкӑртла тунӑ сайтсем купи-купиех! Тата мана спорт хыпарӗсен сайчӗ тӗлӗнтерчӗ — http://www.nur-sport.ru/. Пушкӑртла ним мар спорт хыпарӗсене пӗлтерсе тӑраҫҫӗ, пушкӑртла пулнишӗн пӗрре те кулянмаҫҫӗ (пирӗннисем пулсан — чӑвашла сайт тусан кам унта кӗрӗ? — тесе нӑйкӑшма тытӑнаҫҫӗ).
Вӗсем капла маттур ӗҫлесен пирӗнтен иртсе каяҫҫӗ!

[Добавить новый комментарий (2)]

Чирлерӗм...

■ 27.04.2010 22:18 | 4010 просмотров

Пӑхатӑп та, эп кӑна мар, ыттисем те сӑмсисемпе нӑшиклетеҫҫӗ, кӑххӑм-кӑххӑм тутараҫҫӗ. Хыпарсенче те «эпидеми» сӑмах тӗл пула пуҫланӑ...
Эпӗ юрӗ-ха — сивӗ ҫиллӗ ҫанталӑкра ӗҫлерӗм. Ӗҫне туса пӗтермеллеччӗ те сивӗ ҫиле пӑхмасӑр тӑрӑшрӑм, пехлетрӗм. Вӑт халӗ нӑшик-нӑшик тӑвап, ӳсӗреп. Шӑнтӑм. Ӗнер температура пурччӗ те, паян ҫухалчӗ пулас — ара икӗ пысӑк сухан пуҫӗ кӑшласа янӑ хыҫҫӑн (хам йӗре-йӗре чӑмлап, чӗлхене те чӗр сухан ҫунтарать...) чир кӑштах лӑпланчӗ пулас.
Эрне хушшинче чире ҫӗнтересчех...

[Добавить новый комментарий (1)]

Тухья тенкисем

■ 16.04.2010 20:01 | 4163 просмотров

Паян пӗр нумизматсен сайтне лекрӗм. Аукцион сайтчӗ. Кивӗ укҫасене сутаҫҫӗ, ылмаштараҫҫӗ.
Пӑхатӑп та — чылайӑшӗ шӑтӑк! Ав, ӑҫта чӑваш тумӗнчи укҫасем кайнӑ!
//вӗсенчен чылайӑшӗ укҫана мӗншӗн шӑтарни пирки чухламасть те пулӗ...

[Добавить новый комментарий (1)]

Вырӑсланнӑ Йӗпреҫсем

■ 08.04.2010 12:24 | 4751 просмотров

Пӗр Красноармейскипе Шупашкар районӗ ҫеҫ хыпарсенче ан пултӑр тесе эп тӗрлӗ районти хупарсене вырнаҫтарма тӑрӑшатӑп. Паян Йӗпреҫ районӗнчине вырнаҫтарас терӗм.
Пӑхатӑп — нимӗн те ҫук... Хӑш-пӗр район сачӗсем вырӑнти хаҫат статьисене те пулин чӑвашла вырнаҫтараҫҫӗ — кусем вара вырӑслисене кӑна. Smi21 сайта кӗрсе пӑхрӑм — кунта та вырӑсла статьясем кӑна.

Чӑн та, Йӗпреҫсем чӑвашла манса кайнӑ пулӗ? Комсомольски районне кӗрсе пӑхас.

[Добавить новый комментарий (3)]

Аксакова Шупашкара ярасшӑн-ши?

■ 26.03.2010 13:12 | 4976 просмотров

Акӑ мӗн ҫырать Lenta.ru:

"Справедливая Россия" решила разбавить губернаторов-единоросов

"Справедливая Россия" направила в администрацию президента список из 20 потенциальных партийных кандидатов на губернаторские посты, пишет газета "Ведомости", ссылаясь на собственные источники.
Как заявил изданию неназванный член партии, в этом списке в основном депутаты - Геннадий Гудков, Валерий Гартунг, Анатолий Аксаков, Олег Михеев, Елена Вторыгина, Михаил Емельянов и Александр Четвериков.

http://www.

Далее...

[Добавить новый комментарий]

«Хӗрлӗ ялав»

■ 23.03.2010 14:41 | 4246 просмотров

Район хаҫачӗсем те тӗрлӗрен пулаҫҫӗ. Пӗрисем Раҫҫей шайӗнчи хаҫатсемпе тупӑшма пултараҫҫӗ, теприсем вара...
Smi21.ru сайтра пӗр хыпар тӗлне лекрӗм — сайтра вырнаҫтарас кӑмӑл ҫуралчӗ. Хайхи «Хӗрлӗ ялав» редакцинче ачасемпе иртнӗ тӗлпулу пирки сӑмах кунта. Хыпарӗ ӳкерчӗксӗр, ҫавна май хаҫатӑн питне те пулин вырнаҫтарас-ха тесе унӑн пӗрремӗш страницин сӑнне шырама пикентӗм. Ниҫта та ҫук. Вӑрмар районӗн официаллӑ сайтӗнче хаҫат пирки шӑрши-мӑрши курӑнмарӗ. Ахаль чухне унталла пулкалатчӗ — кусен вара ҫук. Smi21.ru сайтра ятарлӑ страница пур — анчах та кунта та хаҫатӑн логотипӗ ҫук.

Далее...

[Добавить новый комментарий]

«Тӑван Енри» телепрограмма меллӗрех

■ 13.03.2010 21:35 | 4467 просмотров

Эп хам инҫекурава пӑхмастӑп. Тимиҫе ҫул та ҫитет ӗнтӗ, пӗр ҫиччӗ патнеллех. Ҫавӑнпа та хӑш телепрограмма меллӗреххине ытти ҫынсем сӑнанипе, вӗсен шухӑшӗсене тӗпе хурса ҫеҫ калама пултаратӑп. //«ку ҫын инҫекуравсӑр епле пурӑнайрать-ши?» — ыйтасшӑн пулсан, хуравлатӑп: мана тӗнче тетелӗ те ҫителӗклех, ман шутпа унти хыпарсем туллирех тата вӗсемпе паллашма та хӑвӑртрах пулать; илемлӗ фильмсем пирки сӑмах пырать пулсан — эп вӗсене рекламӑсӑр пӑхма кӑмӑллатӑп.
Маларах эп ҫырӑнса илекен телепрограммӑллӑ хаҫатсем темиҫеччӗ — «Хыпар», «Ҫамрӑксен хаҫачӗ», «Тӑван Ен».

Далее...

[Добавить новый комментарий]

Пулӑшма ыйтаҫҫӗ

■ 02.03.2010 22:50 | 4943 просмотров

Ҫапла хыпар кӗртнӗ:

ХИСЕПЛӗ ЕНТӖШСЕМ!ПУЛӐШӐРХА.МАНӐН КОНЦЕРТ ПРОГРАММИ ЙӖРКЕЛЕМЕЛЛЕ НИЕПЛЕ ТЕ ПУҪЛАСА ЯРАЙМАСТӐП. ЧӐВАШ ЕН ҪИНЧЕН СӐВӐСЕМ ТЕ КИРЛӖ.ТАТА ЫТ.ТЕ.ЭПӖ ТОЛЬЯТТИ ХУЛИНЧЕ П УРӐНАТӐП. ЭПИР ЧӐВАШ ФОЛЬКЛОР АНСАМБЛӖ ЙӖРКЕЛЕНӖ "ШАНЧӐК"

Паллах, ку хыпар мар, вара кунта куҫарма тиврӗ.
Ҫыраканни: http://chuvash.org/cgi-bin/user.cgi?a=vv&anketa=nikipan2000

[Добавить новый комментарий (2)]

Ҫул хакӗ — пӗрре савантарчӗ, тепре хурлантарчӗ

■ 26.02.2010 16:43 | 7165 просмотров

Шупашкара ҫитнӗ хыҫҫӑн хулана тухма тиврӗ. Хайхи 46-мӗш (Лапсартан хулана ҫӳрет) маршрутка ҫине лартӑм та ҫул хакӗ 10 тенке чакни пирки пӗлтӗм — малтанхи пек 11 тенкӗ патӑм та мана пӗр тенке каялла тавӑрчӗҫ. Ара ку питӗ лайӑх-иҫ — хаксене ӳстерме ҫеҫ мар, чакарма та пӗлеҫҫӗ-иҫ кусем тесе хӗпӗртерӗм.
Никоаев урамне ҫитнӗ хыҫҫӑн хайхи троллейбус ҫине куҫса ларма тиврӗ. Малтанхи пек кондуктор аллине 9 тенкӗ паратӑп: «Сан 1 тенкӗ ҫитмест кунта» — тет хайхи. Малтанхи савӑнӑҫ вара пӗтсе ларчӗ...

Маршруткӑсемпе ахаль троллейбуспа автобуссен хакне пӗрпеклетме кирлӗччӗ-ши ӗнтӗ?

Далее...

[Добавить новый комментарий]

Миҫе ҫын — ҫавӑн чухлӗ шухӑш.

■ 24.02.2010 18:00 | 5220 просмотров

Кун пек хаклав халиччен килменччӗ-ха. Тин кӑна пӗр чӑваш ман пата ҫапла ҫыру ҫитерчӗ:

...Но вот во-вторых… Короче говоря, я недавно наткнулась и прочитала «Повествование о чувашах» на history.chuvash.org, и оно оставило у меня не очень приятное впечатление. Я не знаю, за что рецензенты текста дали там положительные отзывы. Иллюстрации ужасные. Нельзя было нанять хорошего художника и хорошего фотографа? Текст отвратителен (на мой вкус, конечно): понятно, что автор прежде всего хотела бы поднять самооценку чувашей, а не рассказать их историю, но ничто так не выдает комплекса неполноценности, как откровенное самопрославление.

Далее...

[Добавить новый комментарий (2)]

Трамплинран сикнине пӑхрӑм

■ 13.02.2010 23:56 | 4551 просмотров

Эп спорт хыпарӗсемпе ытлаши интересленсех каймастӑп. Тата инҫекуравне те пӑхмастӑп. Ҫапах та паян Ванкурверта пӗрремӗш наградӑсен пуххине вылаттарнине пӑхас терӗм. Интернет урлӑ ӗнтӗ. Мӗн курнине хамӑн Твиттерта ҫырса пытӑм: http://twitter.com/Astahar

Кама интереслӗ — вулама пултаратӑр. :)

[Добавить новый комментарий]

Чӗлхе саккунне тишкернӗ май...

■ 10.02.2010 12:15 | 5593 просмотров

Эсир Чӑваш Республикин чӗлхе саккунне вуланӑ-и? Эп вара вуламан. Халӗ вара тишкерсе тухас терӗм :)
Пуҫлас...

Забота о сохранении и развитии чувашского языка как важнейшего национального признака и основы всей духовной культуры возлагается на Чувашскую Республику.

Яваплисем — Чӑваш Ен президенчӗ, прваительство, министрсен кабинечӗ.

Сохранение и развитие чувашского языка выражается в законодательном закреплении его статуса, создании условий для активного его использования в государственной и общественной жизни, поддержании его высокого престижа, а также в принятии мер по его нормализации и научной разработке.

Далее...

[Добавить новый комментарий (4)]

«Тӑван Ен» ҫитменлӗхӗсем

■ 31.01.2010 12:55 | 5625 просмотров

Малтанхи ҫырӑва, «Тӑван Ен» лайӑхланни ҫинчен ҫырнине, Борис Чиндыков («Тӑван Ен» редакторӗ) хаҫатрах пичетлесе кӑларчӗ.
Паллах, хаҫат ҫитменлӗхсемсӗр мар. Вӗсем те пур. Халӗ вӗсене кӑтартасшӑн:
1. Терминсем. Чӑвашсем тахҫанах «сӑн ӳкерчӗк» сӑмаха пӗлеҫҫӗ, «ТЕ» вара темшӗн «фото ӳкерчӗк» сӗнет. //Халӗ 3-мӗш кӑларӑма пӑхнӑ май унта «сӑнӳкерчӗк» те тӗл пулчӗ...
2. Уйӑх ячӗсем. «Суварти» текех, кунта та, вырӑс ячӗсемпе усӑ кураҫҫӗ. Чӑваш ячӗсем пурӑнма тивӗҫ мар теҫҫӗ-ши? Кӑрлач, нарӑс — мӗн тери хитре ятсем! Ҫук, ку хаҫатсенче — январь, февраль, … Эпӗ хам сайтра пушшех те вырӑсла ячӗсене ҫырмастӑп.

Далее...

[Добавить новый комментарий]

«Капкӑн» та лайӑхланнӑ

■ 31.01.2010 11:17 | 4210 просмотров

Ӗнер кӑҫалхи «Капкӑнӑн» пӗрремӗш кӑларӑмне илтӗм. Хӑшӗ-пӗри ӑна алла маларах та илнӗ пулӗ (ҫынсен аллинче ытларикунах курнӑччӗ) — «Чӑвашпичет» киоскне вара ӗнер ҫеҫ ҫитнӗ.
Мӗнех, кӑштах лайӑхланнӑ. Мана ку журналта уйрӑмах анекдотсен куҫӑрӑвӗсем килӗшместчӗҫ. «Пире каять» тесе куҫӑрнӑ пек туйӑнатчӗ. Анекдочӗсене тӳрреммӗн, чӑваш шухӑшлавне тӗпе хумасӑр куҫарнӑран хӑш-пӗрисене ӑнланма та май ҫуккӑччӗ. Ара, эпир вырӑс чӗлхине те пӗлетпӗр-ҫке! Куҫаран вара анекдотне — ун хыҫҫӑн тин мӗнрен кулмалли сисӗнме тытӑнать. Пулса тухать вара — тексчӗ чӑвашла пулин те ӑна вырӑсла вуламалла иккен.

Далее...

[Добавить новый комментарий]

«Тӑван Ен» хаҫат самай улшӑннӑ

■ 15.01.2010 18:33 | 4719 просмотров

Паян кӑҫалхи пӗрремӗш кӑларӑмне илтӗм. Тӳрех палласа илме те май ҫук. Чӑн та Шупашкарта тухакан хаҫатсенчен пӗрре те кая мар, хӑш-пӗр енӗсемпе лайӑхрах та! Вӗсен тата сайтне кирлӗ шая ҫитермелле те — вара республикӑри чи чаплӑ хаҫат пулса тӑрӗ. Аттук, «Хыпарӗ», «Хресчен сассийӗ» вӗреннӗ пӗр ним улшӑнмасӑр, пахалӑха ӳстермесӗр ӗҫлеме.
Шел те, леш «кризис» текенни ҫавах вӗсене те пырса тивнӗ — хаҫат малашне эрнере иккӗ мар, пӗрре тухма тытӑнӗ. Пӗрре тухӗ пулин те калӑпӑшне самай ӳстернӗ пулас — 12 страницӑллӑ пулӗ.
Халӗ Шупашкарта чӑвашла тухакан хаҫат иккӗ — «Хыпар» тата «Хресчен сасси».

Далее...

[Добавить новый комментарий (1)]

Е авторӗ пӗрре, е вӑрласа ҫырнӑ...

■ 04.01.2010 14:29 | 4344 просмотров

«Тӑван Атӑлӑн» 12-мӗш номерӗнче Леонид Маяксенӗн калавӗсем пичетленнӗ. Пӗри — «Эп кӗпепе ҫуралнӑ», тепри — «Ҫӑхан Анни». Пӗрремӗшне кӗртнӗ май ним ыйту та тухмарӗ-ха, иккӗмӗшӗпе вара... Пӗр-ик абзацне вуланӑ хыҫҫӑн ман пуҫра ку калавпа малтан паллашнӑ пек туйӑна пуҫларӗ. Иккеленӗве сирес тесе электронлӑ вулавӑша пӑхрӑм — Леонид Маяксенӗн унашкал калав тупӑнмарӗ. Иккӗленӳ ҫапах сирӗлмерӗ. «Ку калава тен тунӑ та вулавӑша кӗртмен?» — шухӑш явӑна пуҫларӗ. Каярах тепри пурса ҫитрӗ: «Тен кӗртнӗ чухне авторне йӑнӑш кӑтартнӑ?

Далее...

[Добавить новый комментарий]

«Хура ҫӑкӑра» кӗртсе пӗтертӗм.

■ 26.12.2009 16:51 | 4397 просмотров

2009 ҫула парӑмлӑ пулас мар тесе ҫак романа кӗртсе пӗтертӗм. Пӗрремӗшне тахҫанах (раштавӑн 5-мӗшӗнче) кӗртсеччӗ, халӗ вара иккӗмӗшне туса пӗтертӗм.
Мӗн калас? Хветӗр Уярӗн «Шурча таврашӗ» романӗпе танлаштарас пулсан ку ман шутпа лайӑхрах. Пӗрремӗш кӗнеки шыв пек вуланать — вулама та интереслӗ. Илпек Микулайӗ пӗрремӗш кӗнекине ман шутпа питӗ лайӑх вӗҫленӗ: пуяс шухӑшлӑ Шерккей хӑй хӗрне Нямаҫа сутать темелле. Пуясси вара пулмасть — Селимене ҫапла хур кӳни пӗтӗмпех кутӑнла пулса тухать. Ӗни тарать, лаши ҫунса каять. 100 тенкӗ укҫи те пӳрчӗ мӗнӗпех ҫунса каять.

Далее...

[Добавить новый комментарий]