Сарă чăх

Николай Ишентей | Сăвă | ачасем валли | чăх | 279


Сарă-сарă чăх пур пирĕн.

Какалать вăл касăн-ирĕн,

Сар кĕпи ун пурçăнран,

Шӳлкемийĕ ылтăнран.

 

Уртнă сарă ум çакки.

Хĕм сапать хăлха çакки.

Ах, юрать-ха йăлтăрти

Ылтăн мар ун çăмарти.

 

Питĕ-питĕ хырăм выçрĕ

Мечĕкле вылянă хыççăн.

Сарă чăх çăмартине

Астивес-и, асанне?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: