«Çимĕк каçĕ...»

Çимĕк каçĕ.

Ыран — вырсарни.

Аса килчĕ эс вырăн сарни.

Пирĕштин, кĕçĕн çыннăн

имлерĕн.

Юптаран юмăç евĕр тимлерĕн.

«Халь сăмах та ан хуш, — терĕн, —

хăвшăн.

Санпала кăшт пулам-и хаяр?»

Мăйăмран ытамларăн та ăшшăн,

Пăшăлтатрăн: «Мунча хутса яр!»

Çимĕкри куç хупман çав

пĕр талăк...

Эс те эп.

Шуçăмри ирхине.

Петем пурнăçăм пултăр-и тамăк —

Эп астивнĕ çăтмах тĕшшине.

Çĕнĕ комментари хуш