«Тӳпере — шăнкăравлă тăри...»

Тӳпере — шăнкăравлă тăри.

Шăркари тулă çийĕн — ăрша.

Чӳхенет Улăп сăрчĕн тăрри.

Пĕçертет тунсăх хумĕ ăша.

Тан çырмийĕ.

Çӳçеллĕ

Сар Хурăн...

Тăван енĕм — ачалăх сăпки.

Таткалатăп пĕр тутлăн, пĕр хурлăн

Асилӳ пек çырла сапаки.

Траçăла килĕштернĕ эп майсăр,

Килсе тухрăм чĕре хушнипе.

Юхнăçемĕн юхать чарăнмасăр

Шăнкăр шыв икĕ чул хушшипе.

Çĕнĕ комментари хуш