Аçтахар Плотников: Хӑраҫҫӗ

Аçтахар Плотников20.04.2007 09:034294 просмотров

http://halahineme.blogspot.com/ — ҫакӑнти статьясене вуларӑм та православи тӗн ҫыннисен хӑрани ҫеҫ вуланать. Чӑнах та чӑн чӑваш тӗнӗнчен хӑраҫҫӗ вӗсем. Ҫук, вӗсем халӑх тӗттӗме тухнинчен мар, вӗсен тӗнне пӑрахса кайнинчен хӑраҫҫӗ. Япӑх енӗсене уҫса памашкӑн та аран-аран тупнӑ пулӗ вӗсене. «Хыпар» хаҫата тата мӗншӗн айӑплас? Унта, мӗн, православи тӗнне сахал уҫса параҫҫӗ-и? Вӗсен тӗнӗ ҫинчен ҫырма юрать ӗнтӗ, урӑх тӗнсем ҫинчен ҫырма юрамасть.
Чӑваш тӗнӗнчен мӗншӗн хӑраҫҫӗ-ха тата? Ара ун патне халӑх куҫма пултарать-ҫке! Ислам тӗнӗ ҫав-ҫавах чӑаш халӑхӗшӗн ютрах, чӑваш тӗнӗ вара ҫынсен пуҫӗсенчен тӗппипех халлӗхе тухса ӳкмен.
Тата пӗр-пӗринпе тапӑҫакансен ушкӑнӗсене пӑхар: пӗр енче вырӑс пупӗсемпе ертсе пыракан «ухмах» ушкӑн, тепӗр енче вара — ӑслӑ-тӑнлӑ культура ӗҫченӗсем. Пӗрисене тӗне кӗртнӗ, теприсем вара хӑйсен тӗнне хӑйсем суйласа илнӗ.

Тӗрӗссипе православи тӗнӗ чӑваш тӗнне хирӗҫ нимӗн те калама пултараймасть, ӑна чарма анчах пултарать. Ара, чӑваш тӗнӗнче киревсӗр ӗҫсене вӗрентмеҫҫӗ-ҫке.

От редакции: Размещение статей не означает, что редакция разделяет мнение его авторов.

[Добавить новый комментарий]