Аçтахар Плотников: Чебоксары мар! Шупашкар!

Аçтахар Плотников22.01.2011 20:115449 просмотров

Паян «Ялавӑн» 1988 ҫулти 4-мӗш номерӗнче ҫакнашкал ҫыру асӑрхарӑм:

Шупашкар ҫинчен сахал мар сӑвӑ-юрӑ хывнӑ. Халӑх тӑван хуламӑр ҫынчен савӑнсах юрлать. Инҫе ҫула тухсин та кашниех часрах унта таврӑнма ӗмӗтленет.
Шел пулин те, юлашки ҫулсенче эпӗ акӑ мӗн асӑрхарӑм: ҫамрӑксем час-часах Шупашкар сӑмаха юриех вырӑслатса калаҫҫӗ, «Чебоксара кайрӑм», — тенине Ҫӗрпӳрен килекен автобусра пӗрре мар илтнӗ эпӗ. Ман шутпа, Шупашкар — чӑвашсен хушшинче тахҫан авалах ҫуралнӑ ят. Ҫавӑнпа та калаҫура-мӗнре ӑна пӑсас марччӗ. Тен, вырӑсла «Чебоксары» тенине пӑрахӑҫламалла: вӑл темле тӑрӑхласарах каланӑ пек илтӗнет. Ан тив, пуриншӗн те Шупашкар пултӑр. Коми АССРӗн тӗп хули Сыктывкар, Мари республикин — Йошкар-Ола, Казах ССРӗн — Алма-Ата... Кун пек тӗслӗхсем татах илсе кӑтартма пулать. Чӑваш АССРӗн тӗп хули пур чӗлхепе те Шупашкар ятлӑ пулмалла.
Сӑмах май каласан, пирӗн тӗп хуламӑрти пысӑк универмага «Шупашкар» ят пани пурне те — чӑвашсене те, вырӑссене те, ытти халӑх ҫыннисене те — питӗ килӗшрӗ. «Съездил в «Шупашкар», «Купили в «Шупашкаре» тенине час-часах илтме пулать. Эппин, пуҫламӑшӗ пур.

А. Иванов, Шупашкар рӑйонӗ.

Питӗ кӑсӑклантарса ячӗ. Ку вулакан ҫырӑвӗ. 20 ҫултан ӗҫ-пуҫ мӗн патне ҫитессине пӗлнӗ пулсан автор мӗн калӗччӗ-ши?
Хальхи халӑха ҫакнашкал сӗнӳ парсан вӑл сана тӳрех «Йӳтерӗн-и?» теет пулӗ :).

От редакции: Размещение статей не означает, что редакция разделяет мнение его авторов.

[Добавить новый комментарий (9)]

Пер херарам // 1636.59.7469 2011.01.22 20:20
	Мĕн тени вăл "ÿтерĕн", эп пурнăçран юлнă пулмалла.
Пер херарам // 1636.59.7469 2011.01.22 20:47
	Йÿтерĕн тесен тĕрĕсрех мар-и?
Аçтахар Плотников // 2976.46.6075 2011.01.22 20:59
	Эсир тĕрĕс мĕнле çырăннине пĕлетĕр-ши? тесе çапла çыртăм :) Йăнăшрăм, пулкалать :) Юсарăм.
Пер херарам // 1636.59.7469 2011.01.22 22:08
	Темех мар. Тĕрĕс çырать çыру авторĕ:"Чебоксары тени тăрăхласарах илтĕнет",-тесе.Шупашкар тени аванрах, хăватлăрах,тата та çывăхрах...
MIKISH // 2111.44.9405 2011.01.22 23:20
	Халĕ документ çине Чебоксары хуратса Шупашкар çираймастпăр пуль... Çĕнĕ Шупашкарата Шупашкар тăваймарăмăр ...
Тимер // 8568.8.6851 2011.01.23 10:55
	Хамăрăн Шупашкар кăна тесе каламалла.Эпĕ,сăмахран,визитка çине тата хăш-пĕр хут çине Шупашкап тесе çырма тăрăшатăп.Эсир те çавăнпек тусан ман çине тĕлĕнсе пăхмĕчĕç чиновниксем.
Тимер // 8568.8.6851 2011.01.23 22:21
	Шупашкар паллах.
тимерсень // 4186.23.0052 2011.01.24 17:04
	Шупашкар - звучит! А что такое Чебоксар...на каком языке можно обьяснить это название? Нелепость какая-то, когда существует вполне понятное и объяснимое название города от народа. Кто такой чуваш, как это можно обьяснить? Ляпсусы историков и политиков...Пора их поправить.
Странник // 4158.22.9171 2011.01.26 12:05
	Авалхи картосенче Шупашкар выроненче Веде-Суар хулине котартно. Ун пек пулсан, пирен Шупашкар-та ваторах пулать пуле.