Шăнкăрав

Сассăр шăнкăрав

— Шăнкăрав манерлĕ лантăш

Татрăм, — терĕ манăн тантăш.

Сулкаларĕ вăл ăна. —

Янăраттăр вăрмана!

Эп те лантăша тăнларăм:

Шăнкăравĕ шарламарĕ.

Ӳкрĕ кĕмĕл пек тумла —

Сассăр йĕчĕ пулмалла.

Çумăр шăппăн çурĕ, çурĕ

Ирхине паян ирех.

Ман чĕре те сисрĕ, туйрĕ:

Вăхăт уйрăлма пире.

Манпала йĕрет çанталăк —

Вăл туять ман чунăма.

Шкул паян уçать-çке алăк

Пирĕнпе сывпуллашма.

Пĕлĕтсем часах саланчĕç,

Ирĕк пачĕç хĕвеле,

Аякка таçта ăсанчĕç,

Хĕвел тухрĕ тӳпене.

Тантăшсем хавас, кулаççĕ —

Кăмăл ман та çĕкленет.

Çук,пĕри те шутламаççĕ:

Мĕн пире малта кĕтет?..