Вальс


Тĕлпулу кĕвви


(Шкул вальсĕ)

 

1. Чунтан юратнă шкулăмăр,

Эпир кунта тĕл пултăмăр,

Пĕрле пулма чĕнет йăс шăнкăрав.

Нихçан манми ачалăхăн,

Яш чухнехи асамлăхăн

Саламĕ чĕрене сапать кăвар.

 

Хушса юрламалли:

Эпир вĕреннĕ шкул тавра

Ӳсеççĕ йывăçсем çăра —

Ӳсеççĕ çумма-çуммăн тытăнса.

Тăван çĕршыв хĕвелĕпе,

Тăван ял-йыш телейĕпе

Тăванлăх çирĕплентĕр вăйланса.

 

2. Сан ăшшупа вăй пухрăмăр,

Çунатлă ĕмĕт тупрăмăр.

Тавах сана, юратнă шкул, тавах!

Эс пĕрлештернĕ туслăхăн

Сăвапĕ ĕмĕр сулăмлă —

Эс пирĕншĕн тăван килпе танах.

 

3. Çурт лартрăмăр, чул касрăмăр,

Вутпа шыв урлă каçрăмăр,

Ӳкмерĕ çĕнтерӳ пирĕн умран.

Таçти çĕрте те пултăмăр,

Темле тĕнче те куртăмăр,

Тухмарăн, савнă ялăмăр, асран.

 

4. Каллех, хаваслă шкулăмăр,

Эпир кунта тĕл пултăмăр,

Эс пирĕншĕн тăван килпе танах.

Пире эс патăн пин çунат.

Пирте эс панă вут çунать.

Малалла

Виталий Станьял | Юрă | 1957 | шкул | вальс | 1975 | 922