Ял вĕçĕнче школ ларать...
Ял вĕçĕнче школ ларать...
Йĕри-тавра казак тăрать...
Учителе тытса тухрĕç,
Мĕн айăпне каламарĕç.
Вĕренекен ачисем
Кăшкăрса ячĕç, мĕскĕнсем,
Ĕсĕклесе макраççĕ,
Вĕрентекен патне туртнаççĕ.
Ак пĕр ачийĕ тăрать,
Çапла макăрса калать:
«Эй, савнă вĕрентекен,
Пире ăса кӳртекен,
Эсĕ пире юратрăн,
Атте вырăнне пултăн,
Пире ырра вĕрентрĕн,
Пиртен эсĕ йĕрĕнмерĕн,
Пур халăхшăн тăрăшрăн,
Хушăн эс кулянмарăн.
Халь пирĕнтен уйăрлан,
Пире хуйăха хăваран.
Сана урăх курас çук,
Сан сăмахна илтес çук,
Шыраса та тупас çук,
Макăрса та çăлас çук.
Эпир сана манмăпăр,
Сан пек пулма тăрăшăпăр,
Санăн ятна сарăпăр»...
Ача çакна каласан,
Вĕрентекенĕ куççульпе,
Çӳлелле пăхса, ерипе
Акă çапла каларĕ:
«Эй, юратнă ачамсем,
Ан макăрăр, ман чунсем!
Мана тытса хупсан та,
Ĕç тăвасси хăвăрта:
Эп тахçанах каланă,
Эсир ăна тăнланă».
..................................
Ăçта, тăвансем, школ хуçи?
Ма алăкне питĕрнĕ?
Ма чӳречисем хупах?
Ăçта ача сĕрлени?
Шухăшсем
Ready to amplify your website gro...
Use AI to build a website by just enteri...
Get more leads for your chuvash...
Когда речь идет о ремонте, выбор правил...
Предлагаем вам высококачественный троту...
Ever thought how chuvash...
Needing to enhance your website t...
Предлагаем вам высококачественный троту...
Когда речь идет о ремонте, выбор правил...
Лазерный уровень легко помещается в су...