Ятарлă сăлтав нихăçан та ан кĕтĕр!
Ятарлă сăлтав нихăçан та ан кĕтĕр… —
Ту — паян, ил — паян… Ăнлан: ыран мар…
Ыранăн ырри килмесен те пултарĕ…
Виçмине-и?.. Вăл пушшех те тĕтреллĕ… —
Тăхтамасăр… Паян… Итле: ыран мар…
Ятарлă сăлтав нихăçан та ан кĕтĕр…
Çи, тумлан, çавăрттар… — паян, ыран мар…
Ырана хăварсан ырă шухăш та ырĕ…
Ытала та ташла… Паян, кур, хĕвеллĕ… —
Ырана, тăванăм, кĕтсе ларар мар...
Ятарлă сăлтав нихăçан та ан кĕтĕр…
Пурăнатпăр пĕрре… Кун-çул вĕçсĕр мар…
Чун тумламне ватăлма ан парсамăр…
Йывăр пулсан та… Куççулĕ юхсан та… —
Лайăххи çинчен те, туссем, манар мар.
Ятарлă сăлтав нихăçан та ан кĕтĕр…
Мехел çитерсе пĕр-пĕрне каçарар…
Куна кулăпа, тăвансем, çутатсамăр…
Çумрах ырату-кӳренӳ тени пулсан та… —
Пуррипе, паянпа çырлахса пурăнар…
Ятарлă сăлтав нихăçан та ан кĕтĕр………………
Шухăшсем
Boost your Chuvash website’s traffic wit...
Need more clicks and conversions for Chu...
Круглозвенные цепи — это не просто элем...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...