Электронлă вулавăш

Нумай çын

халĕ çывăрать,

куçа хупса

çывăрмасан та.

Уçă куçпа

тĕлĕк курать,

питех аван

ăнланмасан та.

 

Иртнĕ пурнăçра

вĕрентнĕ

«совет çынни таса»

тесе.

Çыннисем юлнă,

Влаçĕ пĕтнĕ,

ывăнтăмăр пуль

çĕмĕрсе.

 

СССР çĕрне

пайларĕç –

кашни Çĕршыв

халь хăй хуçа.

Халăх çинчен

манма пуçларĕç,

илмеççĕ те

ăна пуçа.

 

Влаçа кĕрсе

ларас тесен,

таса çын

пулнине манаççĕ.

Кам асăнать

намăс çинчен;

Вĕлернĕ чух

таса пулмаççĕ.

 

Влаçшăн вăрçă

нихçан пĕтмест,

мĕнле Саккун

аван пулсан та.

Пачах вăл

халăхран килмест,

пурне те вăл

аван курсан та.

 

Вăрçă пырать

пирĕн çумрах,

Украина çĕрне

силеççĕ.

Кунта ун пек

ан пултăрах –

пур вăрçăра та

вĕлереççĕ.

 

Ку вăрçă

çăмăл чарăнмасть –

пырать вăл

Çĕнтерӳ кунчен.

Унта никам та

парăнмасть –

ку вăрçă вăл

мĕн виличчен.

 

Вĕлересси вăл –

вăрçăра,

саккунсене

пăхса тăмасть.

Ун çинчен

çыртăм паçăрах –

тăшман хăйех

тухса каймасть.

 

Ăна

çĕнтерейет пуля,

сăмахсемпе

çĕнтерейместĕн.

Украинăран

ун çулĕ

ăçта каяссине

пĕлместĕн.

 

Пирĕн паян

пĕр çул кăна,

Русь çĕршывне

пулăшмалла.

нацизмлă

бациллăна

тымарĕпе

кăлармалла.

Р.S. Уçă куçпа

çывăрас мар,

Украина та

пĕччен мар.

Ун пекки

пулĕ-ха тата –

ан çиттĕрчĕ

пирĕн пата.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн