Электронлă вулавăш

Çанталăк

улшăнса тăрать,

çулталăкра

тăватă хут.

Ун пеккине

ман ăш курать,

виççĕр утмăл

пилĕк хут.

 

Хăшпĕр чухне

тĕлĕнмелле –

ăçтан тухать

çавăн пек çулăм?

Мĕн çуннине те

пĕлмелле –

мĕн-ши эп

ун пек турăм?

 

Хĕлле, кăштах

сăмса шăнсан,

шалта та

пăрланнă пекех.

Ку япала

часах пулсан,

тухассăм та

килмест текех.

 

Апла çанталăк

ăшăмра –

пурнăç та

унăн аллинче?

Унта вара

шурă-хура –

ман пурăнасчĕ

варринче.

 

Вăл эп шутланинчен

килмест,

манăн ăш та ăна

пĕлмест.

Çулăм тухать

паян унтан,

е вăйлă çил

пĕр-ик кунтан.

Кашни çын

вăл хăйех хуçа –

алла илес

пулать пуçа.

Ăшри çанталăк

улшăнать?..

Çын мĕн

курассине курать.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн