«…Кун каçа сăмахсен купине таптарсаччĕ…»

...Кун каçа сăмахсен купине таптарсаччĕ;

Çылăхран сăвапа чаваларăм хамах.

Пур-пĕрех тем çитмерĕ, ларман кăмăл карчĕ¹ —

Пыр тĕпне йĕклетет çĕхреленнĕ² сăмах.

Шухăшсен çиппине хутăрлать халь Астăвăм —

Чыхланса ырана такăнса кĕресрен.

Шуçăмччен васкасах сĕвемлет-ха, кур, Сăввăм —

Йĕркешер пĕтĕрет пăтранса йӳтесрен.

Çĕрлехи улахра хуçаланĕ Ăстайăм³ —

Йĕкелле ухăнса таш ташлать, ав, Калем.

Сых ятне хуралта тăрать мар-и-ха Тайăн⁴ —

Ыйăхпа кахала хӳтермешкĕн каллех...

Паянхи кунăма çаврăмпа пӳклемесĕр

Эртелтен хăпаймастăп ирччен, ахăртнех.

Вĕçлесен: тишкерсе — тиркесе, татăр — тĕсĕр —

Çăмăлланă амашăн ун чух пур-пĕрех.

¹ карт — паллă
² çĕхре — пăтранчăк
³ ăстай — ăсталăх
⁴ тайăн – пурнăçламалли тĕллев

Çĕнĕ комментари хуш