«Килсе, ăша ыйту акса хăвартăн…»

Килсе, ăша ыйту акса хăвартăн —

Шалтан-шала сăхать пин-пин тымар...

Ют ăс витми пытарнă тарăн картăм¹

Кӳпченĕ май тиркет, тунать: сан мар.

Кĕтмен. Ăсран сăмах ăссах шăвартăн —

Çĕр тĕрлĕ шухăш шăтрĕ шеп калчан.

Çумла-çумла сайра туса хăвартăм —

Управлăх вырăн пулĕ пуç-панча².

Ан кил. Паян кăна тытса куçартăм

Чĕре йăранĕн нӳрĕ ĕретне.

Манах пулсан — тархасшăн — çупкăм сартăр,

Тулсан хыватпăр пурнăç кĕлетне.

¹ Карт — чикĕ
² Панча — калча ӳстермелли вырăн

Çĕнĕ комментари хуш