«Туслăха йӳнеçтернĕ сăмах…»

Туслăха йӳнеçтернĕ сăмах

Чĕлхӳнтен ыткăнса тухсанах

Пăрăнас йӳтĕме¹ хупласах

Вырăнтах тăтăм эп — тăп-тăпах.

Ах...

Çăварна çĕнерен авăрлах² —

Шăтарса пăтала тарăнрах —

Ĕмĕре ас туса юлмаллах,

Чăтнипех каçаратăп, паллах.

Ах...

Пăтала — хăрамастăп пачах:

Хаярна кăларсассăн анчах,

Çухату тутине туйсанах,

Ӳкĕнсе лăпланатăн — хăвах.

Ах...

¹ йӳтĕм – сăлтав, палăртса хуни
² авăрла — хатĕрле

Çĕнĕ комментари хуш