Электронлă вулавăш

Хăшпĕр чух

мăкăртататпăр

ĕлĕкхи

пурнăç çинчен.

Пысăк канашсем

паратпăр,

пуç çаврăнса

каиччен.

Пурнăç мĕн енне

илсен те,

куç умĕнче

ĕлĕкхи пурнăç.

Ун пекки пулмĕ

мĕн тесен те,

каялла çулсем

пăрăнмĕç.

 

Эп килĕшĕттĕм

çаврăнма,

анчах та

аннене курма.

Ăна кунта

илсе килĕттĕм,

кăштах çăмăл

пурнăç сĕнĕттĕм.

 

Анне çăмăл

пурнăç курман,

арçын пекех

каснă вăрман.

Тĕрĕссипе вăл –

чăваш халăх,

çуралнă пуль

нуша курмалăх.

Ытти çынсемшĕн

каламастăп,

анне ĕçленине

манмастăп.

Мĕн курчĕ вăл

пурнăçĕнче;

Кĕске пулчĕ

уншăн тĕнче.

 

Паян ман

сăмахсем пĕтмеççĕ.

Анчах та

ун патне çитмеççĕ.

Чунĕ пуль теп

манпа пĕрле,

туятăп

кунĕпе, çĕрле.

 

Анне çинчен

часах çырмашкăн,

паян мана

никам хушмасть.

Ун ĕмĕтне

пурнăçламашкăн,

чăнах та

никам та чармасть.

Каласа

памалли пур –

ик ĕмĕтне

эп пурнăçларăм.

Аннеçĕм,

чунупа эс кур –

нумай тата

сан умра парăм.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн