Шăпа
Лартрăм эпĕ çамрăк улмуççи,
Пултăр терĕм тутлă пан улми.
Час та часах тăтăм шăварса,
Мĕншĕн пур пĕр хăрса ларчĕ-ши?
Пурччĕ манăн шурă перчетке
Хутран-ситрен кăна тăхăнма.
Тăхăнтăм ăна пит упраса,
Мĕншĕн пур пĕр час хуралчĕ-ши?
Пурччĕ манăн хам юратнă тус
Ĕмĕр пĕрле савса пурăнма.
Чĕремре ман çунчĕ юрату,
Мĕншĕн ăна систермерĕм-ши?
Хăрса ларман пулсан улмуççи
Пан улми çиеттĕм савăнса.
Çумра пулнă пулсан чун савни
Çӳремĕттĕм чунтан хурланса.
Пĕлмен çынна тухрăм эп качча,
Пулаймарĕ ырă курасси.
Савăнма пӳрмен мана шăпа,
Мĕншĕн мăшăр çĕре кĕчĕ-ши?
Çĕнĕ комментари хуш
Шухăшсем
Tired of low website traffic? This video...
Not getting enough leads for Chuvash Org...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...