Ватă Атăл çĕрĕпе...

Сăвар Эртиван | Сăвă | 2007 | Атăл | 398


Ватă Атăл çĕрĕпе

шур тĕтре пуçтарчĕ.

Лешĕ кăмăлсăр хĕр пек

Йăлăм енне тарчĕ.

 

Çамрăк хырлăх пур кунта,

хӳтлĕх лăсă пур пек.

Тĕтрене малаш кунта

çакă çитмĕ пурпĕр.

 

Мĕн кĕтсе явăнать-ши

хĕр-тĕтре çĕр-ирĕн?

Сивĕ сывлăш, ăшă шыв –

ак ăна мĕн кирлĕ.

 

Çитĕ хĕл. Пĕр ирхине

тĕтрене хыр чĕнтĕр,

вырăн чатăрĕ çине

картăр кĕмĕл чĕнтĕр.

 

31.10.2007. Ир кӳлĕм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: