Ачаш Сантăр

Александр Кăлкан | Сăвă | ачасем валли | 352


Сантăр мĕншĕн макăрать?

Кам хĕненĕ Сантăра?

Çук, никам та хĕнемен.

Ачаша вĕреннĕрен

Вăл йĕрет юри кăна.

Амăшĕ илтсен ăна:

— Ан йĕр, чĕппĕмçĕм! — тесе

Икĕ вăйлă алăпа

Кĕçех илет çĕклесе.

Çичĕ çулхи услапа

Çитмĕл çич хут чуптăвать,

Ывçипех канфет парать.

Ман анне калать вара:

— Кунашкал туса, паллах,

Вĕрентет вăл Сантăра

Кутăна та усала.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем