Çунать çурта

Çунать çурта ман кантăк умĕнче,

Мĕн шуçăм киличчен çунать.

Ытла кичем-çке сансăр çут тĕнче!

Хăçан-ши тĕлпулу пулать?

Çунать çурта ман чĕрепе пĕрле,

Çунать те ирĕлет хуллен.

Юратнă çыннăм! Сукмакна йĕрле!

Шанатăп, кĕçĕрех килен!

Сĕтел çине çак çуртана лартас,

Ярас пуль куркана шерпет.

Хирĕç тухса-çке алăка уçас.

Çитетĕн! Чун-чĕрем сисет!

Çунать çурта ман кантăк умĕнче,

Мĕн шуçăм киличчен çунать.

Питех илемлĕ кĕçĕр çут тĕнче!

Шанатăп! Тĕлпулу пулать!

Çĕнĕ комментари хуш