Улăп хыççăн килнĕ этем вĕтĕ...

Улăп хыççăн килнĕ этем вĕтĕ,

чĕрчунсен тĕнчи те çавнашкал:

кĕсрене ашак хăварĕ пĕтĕ,

кашкăр-йытăран хунать шакал…

Мăн Аçа, упраннă-ши вăрру? –

Çĕр-Ама çие юлса пĕр кантăр,

çăва çумĕн хăмăшлăх хумхантăр,

çавра çилĕн çиттĕр çĕн ăру.

Хăмăшлăхран тухĕ пин-пин кĕвĕ,

пирнешкелĕ пырĕ итлеме…

Улăпсен çи-пуçĕ ылтăн-кĕмĕл.

Мула мар саваççĕ, – ИЛЕМЕ!

24.10.2007.

Çĕнĕ комментари хуш