Сана чунтан юратса

Тăванăма, ача-пăча шăл врачне Христина Андреевна Тестова-Антипована

Эс ырă кăмăллă, илемлĕ,

Çынсемпе пит тарават.

Çунать-ха çамрăклăх хĕлхемĕ

Чун-чĕрӳнте, йăшмасть хăват.

Ача-пăча сыв пултăр тетĕн,

Çакна ялан асра тытса,

Пĕр ывăнми хастар ĕçлетĕн,

Канăçлăха манса кайса.

Ача-пăча çĕршыв тĕрекĕ

Тесе тимлетĕн савăнса.

Çак сăввăма хайларăм эпĕ

Сана чунтан халь юратса.

Çĕнĕ комментари хуш