Венчет çĕрри

Анатолий Ырьят | Сăвă | 436


Эпир санпа телейлĕ мăшăр —

Венчет çĕрри алăсенче.

Яланлăха упранса тăтăр

Чĕресенче çурхи тĕнче.

 

Венчет çĕрри — çемье тĕвви,

Мăшăрлă пурнăçăн тĕрри,

Ăнăçлă ĕмĕрĕн кĕвви,

Турă парни — венчет çĕрри.

 

Кĕмĕл те ылтăн… туй кĕрлетĕр, —

Шăпамăрсем пӳрнĕ пулсан

Венчет çĕрри ан тĕксĕмлентĕр

Йывăрлăхсем айне юлса.

 

Иккĕн пĕр сывлăшпа сывлатпăр, —

Эпир — пĕр тĕвĕ, пĕр çеçке…

Телейлĕн юратса утатпăр,

Сукмак ан пултăрччĕ кĕске.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: