Кăчкă перчетке

Анатолий Ырьят | Сăвă | 330


Анне çыхнă кăчкă перчетке

Тăхăнатăп ăна хушăран.

Юр пек çакскер, çемçешке.

Чуна ырă ытла ăшăран.

 

Музейри пек, арча тĕпĕнче.

Вăл унта чылайран упранать.

Алла тытрăм анне килĕнче,

Яшлăх таврăннă пек туйăнать.

 

Тăхăнатăп анне парнине,

Пĕр кĕве те çимен курăнать.

Мантармасть вăл çаплах аннене,

Унăн ĕçĕ çаплах пурăнать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: