«Эс килес сукмак ытла та ансăр...»

Эс килес сукмак ытла та ансăр,

Тĕм ĕшеннĕн путнă ыйăха.

Хĕвеле кĕтсе илетĕп сансăр,

Сансăрах ăсатрăм уйăха.

Кун килет те çĕр килет — ылмашлă.

Санпала та, сансăр та çапла.

Эп пĕлетĕп, эс — кунпа юлташлă,

Эп çĕрпе юлташлă пуль апла.

Шăпчăксем шăнса сасне çухатнă.

Тен, пăрланĕ çăл та çĕр каçа.

Юриех такам килсе тухатнăн —

Каç куна тытасшăн, кун — каçа...

Çĕнĕ комментари хуш