Конгресс мар пуль ку, чĕлхе пасарĕ!..

Сăвар Эртиван | Сăвă | 2007 | 636


Конгресс мар пуль ку, чĕлхе пасарĕ!

Сăмахсем пĕр пек те, пĕр те мар,

вĕсене çыхать-тĕр пĕр тымар.

Ак ăçта Махмудăн сăмахсарĕ!

 

Тăнласа итлетĕп тĕрĕке,

хушăран бу не тесе ыйтатăп.

Пĕчченех çӳретĕп те утатăп,

тухнă тейĕн тин çеç ирĕке.

 

Акă ташă кĕввисем илетĕп.

Ташласа кăтартрăм ăнланма.

Çыннисем пуçларĕç ал çупма,

тĕрĕксемпе эп те çемĕлетĕп.

 

Хĕр пĕрчи валли илесшĕн сулă.

Пĕр хĕркке туяннине пăхап.

Сисрĕ те вăл парнелерĕ кулă.

Лавккаран хавхаланса тухап.

 

Эй, тĕнче! Ытла та пĕчĕк эсĕ.

Пур чĕлхи-çынни пĕрешкелех.

Кăмăлсем ан пулччăр çеç чикесĕр.

Пурăнасчĕ тĕрĕс-тĕкелех.

 

14.09.2007. Анкара. Каç кӳлĕм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: