Кӑмпара

Алексей Воробьев | Сăвă | кӑмпа | 414


Вăрманта кăмпа нумай:

Çуллă кăрăç, хурăнай...

Пĕшкĕнме çеç ан ӳркен,

Кĕç тулать пĕрне.

 

Ĕшенсен, хуллен ӳкен

Сар ĕшне хĕрне.

 

Ывăтан куç тӳпене.

Кăн-кăвак вăл, тап-таса.

Çĕр çине вăл ӳпĕнет

Кĕленче хуран пулса.

 

Çӳл тупемĕр тăрă халĕ.

Пурпĕрех пуçра çав шут:

«Чăн-ши вăл татах хуралĕ,

Çулăм тăкĕ тепĕр хут?»

 

Çилĕпе каян шурса,

Туртăнса илет сăн-пит:

Ан çĕклентĕр çĕр çурса

Вилĕм атомĕн кăмпи!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: