Пӗччен

Алексей Воробьев | Сăвă | 1969 | 482


Мĕне тăратăн эс пĕччен?

Пĕччен тухса та ан çӳре.

Çурма çулта вăю пĕтсен,

Кайса ӳкетĕн эс çĕре.

 

Пĕччен ăнмасть кунçул пачах.

Кичем палли хуплать сăна.

Пĕччен пуçпа эс — пуш пучах.

Тĕшши ун çук, арпа кăна.

 

Тăр-хăраха хисеп те çук,

Пит чысламаççĕ хăнара.

Пĕччен çын — иртĕнчĕк куккук, —

Чĕппи ӳсет ют йăвара.

 

Телей пирки ан та палка.

Телей тĕлне тухма инçе.

Пĕччен пуç — çурăлман папка.

Улми çук йывăçĕ çинче.

 

Савни, епле ку таранччен

Эп сансăр пурăннă пĕччен?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем