«Хăмач çĕн тутăр çыхнă шуçăм...»
Хăмач çĕн тутăр çыхнă шуçăм
Шур сывлăмран сукмак хывса,
Шыва анать. Эс каччă пуçăн
Утатăн хирĕç хыпăнса.
Ӳкĕтлесе хул яваклас-и?
Сăмах пулаймĕ витерсе.
Сасса уçмалăх ятлаçаççĕ
Ирех вăраннă витресем...
Савни ури пулать-çке чăпăл,
Хĕрелнĕрен пушшех хитре.
Пике хуйхи пекех çăп-çăмăл
Шыв çийĕн пăсланать тĕтре.
Çула икке пайларĕ айлăм.
Умра утать пĕр ушкăн хур.
...Каллех сăмах тупса калаймăн.
Кун тин пуçланчĕ.
Вăхăт пур.
Çĕнĕ комментари хуш
Шухăшсем
What if every visitor sent to your site ...
Here's the pitch in one sentence: AI fin...
я не знаю чувашский а хоть и кто занет ...
НУРНАТПАР-ХА ТЕСЕ ПЁРИ КАЛАНА вара ...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...