Сцена çинчи çутă ункă
(Çамрăк чăваш артисчĕсен юрри)
Тахçан утма вĕреннĕ,
Вĕреннĕ калаçма.
Тен, хăшĕ ĕмĕтленнĕ
Кайран артист пулма.
Анчах унччен, атьсемĕр,
Тертне те курмалла!
Эппин, тăван çемьемĕр,
Ĕçлер-ха Щепкинла!
Артист тени çапла-çке, —
Пурне те эс пултар:
Пĕри паян ак Чацкий,
Ыран пулать Айдар.
Хушсассăн, уксахлатпăр,
Хушсан, ват çын пулан.
Пуçхĕрлĕ те утатпăр
Режиссерсем хушсан.
Аста артист пуласшăн
Епле чунсем хĕреç!
Кăшт калаçу та маншăн —
Монологпа пĕрех.
Пуласлăх, санран хăрамастпăр,
Ӳсетпĕр хĕрӳ кăмăлпа.
Чуна гримпала сарламастпăр,
Витместпĕр ăна маскăпа.
Пире те «браво» тейĕ,
Тен, савнă Чăвашьен,
Ургалкин, Алексеев,
Тен, тухĕç-ха пиртен.
Хĕрсем пирки пĕлетпĕр
Эпир çакна кăна:
Ырсем-и пулĕç, тетпĕр,
Е Вера Кузьмина!
Тăван чăваш юрлатăр,
Ташлатăр пирĕнпе,
Чĕрин пилне вăл патăр
Çак пурнăç тăршшĕпе.
Эй, çирĕм те тăваттă,
Эс пĕр çемье паян.
Хĕрсе тупа тăватпăр
Пĕрле пулма ялан!
Эй, Галя, Надя, Валя,
Эй, пилĕк Микулай!
Ан чактăр чун хавалĕ
Яш ĕмĕр иртнĕ май.
Пуласлăх, санран хăрамастпăр,
Ӳсетпĕр хĕрӳ кăмăлпа.
Чуна гримпала сăрламастпăр,
Витместпĕр ăна маскăпа.
Шухăшсем
Квиз — это увлекательная игра-викторина...
Сертификат ТР ТС – документ, подтвержда...
Ready to amplify your website gro...
Use AI to build a website by just enteri...
Get more leads for your chuvash...
Когда речь идет о ремонте, выбор правил...
Предлагаем вам высококачественный троту...
Ever thought how chuvash...
Needing to enhance your website t...
Предлагаем вам высококачественный троту...