Йывăр каç

Геннадий Айхи | Сăвă | Борис Чиндыков | 729


Борис Чиндыкова

 

Каç. Е тĕлĕретĕп,

е таçта, асра

сăввăмра çӳретĕп —

тĕп кĕвви тавра?

 

Вĕçсĕр кĕнекем-и

вĕçленсе пырать?

Çук пуль, — урăх тема

шăппăн пуçланать, —

 

Шубертăн квартечĕ

çывхарать хиртен...

Ырнă ăсăн терчĕ

лăпланмасть иккен!

 

Чир-и — çак асапăм,

юр-и — сĕм каçра?

«Юр, эс — ман савапăм», —

пăтрашать пуçра.

 

Тĕлĕкрех вĕç-хĕрсĕр

вăранап-ши тек,

ыйхăма сирмесĕр,

Свидригайлов пек?

 

Тен, эп «конспектлатăп»

çил калаçăвне?

(Ах, хамах туятăп

«термин» кăнттамне).

 

Пуç юррипек каç-мĕн,

акă — ун юрри:

«Шур çӳçпе çураçмĕ

Хурлăхăн хури!..» —

 

янраса каяççĕ

çакă йĕркесем,

тен, пăшăлтатаççĕ

тусăн тутисем, —

 

хум туса-и ячĕç

асăмăн тĕпне, —

ик йĕрке хăварчĕç

Баратынскинне?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем