«Музыка вăл — вĕрентет...»

Геннадий Айхи | Сăвă | 1978 | 497


Музыка вăл — вĕрентет:

пурнăçра эс — пурăн тет;

савăн, макăр, кул, хурлан,

манăç та — кирлех пулсан;

инкеке — тӳссе ирттер,

савнăçа — вĕçне çитер,

элчелтен те ан хăра,

вăл та — вĕçсĕр вăйăра;

ĕç — пĕлтерĕшлĕ тесе

ан шиклен эс: хĕмленсе

вăйăри пек пул — ĕçре, —

эпĕ — çук, ак — пур пĕрех

эс юрланă юрă пек,

эс юратнă юрă пек,

пур — эп пурнăçра пулни,

эс пулни, туссем пулни!

Иртесси, иртни, — йăлтах

музыка пек — юлмаллах!..

Музыка вăл — вĕрентет

(пуринчен ытла, тен, Моцарт...).

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: