«Мĕскершĕн, мĕншĕн эсĕ сас-хурасăр?..»
Лявана
Мĕскершĕн, мĕншĕн эсĕ сас-хурасăр?
Эп килтĕм, пӳртĕм, эпĕ сан умра!
Ларан кăвак куçусене уçмасăр,
Е вĕсене шур илчĕ-и вара?
Тăхта-ха: эсĕ куççулленнĕ мар-и?
Ай, пӳртĕм, пӳртĕм, юрамасть каплах!
Кам кӳрентерчĕ, кам сума сумарĕ,
Иртен-çӳрен-и пăхрĕ урлăрах?
Зп сан кашни турат куçне пĕлеттĕм,
Хĕлkе сан кăмаку çинче пĕччен
Аннен салху юррисене итлеттĕм,
Кăшт шикленеттĕм тĕттĕм кĕтесрен.
Мĕн чухлĕ хурлăх хăвăнта пытарнă,
Мĕн чухлĕ юрă илтнĕ эс пиртен...
Халь — улăм çӳçӳсем те кăвакарнă,
Ай, пӳртĕм, пӳрт, эс ватăлтăн иккен.
Лаша хăмăтĕнчен пăсса çĕленĕ
Хăмăтсенче тарлатчĕç ĕнесем...
Аттесемпе пĕрле вăрçа çĕнтернĕ
Çак пӳртçенче çеç юлнă аннесем.
Ялта халь çĕнĕ пурасем лартаççĕ.
Киввисене те салатман, сутман...
Палăксене чултан кăна тумаççĕ,
Хăш чух вĕсем пулаççĕ йывăçран.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...