Ятран валĕ
Тĕлĕкри пек кăштах астăватăп.
Авăн йышĕ ларать апата.
Эпĕ те сăрлă кашăк тытатăп,
Шутаратăп чĕлле хам пата.
Пуçне чикнĕ, канать сар тăпачă.
Сарнă сарăм кĕлти те шăпах.
Эртеле култарса илчĕ каччă:
— Ĕçлеме çăмăлрах... кашăкпа!
Авăн çапнă тĕпре вăл сахал-и?
Варринче вăй та кирлĕ ай-хай...
Ман аппа маттура ятран валĕ
Ытларах хурса пачĕ — какай.
Ярса илтĕм ăна эп ыйтмасăр.
(Асăмрах çак самант ĕлĕкхи)
Пăшăлтатрĕ аппа шав тумасăр:
— Хулленрех кашăкпа, Элекçи...
Айван пулнă.
Çапах ача халлĕн
Тăна илтĕм эп, пĕчĕк чăваш:
Тар тăкмасăр лекмест ятран валĕ.
Унсăр çăкăр енне ан кармаш!
Асра тытнă çакна, туссемĕр.
Эпир ĕçшĕн çуннă ялан.
Куççульпе е тарпа ислетмесĕр
Çăвара пĕр тĕпренчĕк яман.
Тен, тепришĕн çак шухăш кичем-и?
Пурпĕрех эп кĕретĕп чĕрре —
Çĕр акса тăвакан ял ĕçченĕ
Чи сăваплă этем тĕнчере!
Кĕтнĕ тапхăр утать хирте халĕ.
Куç тулли тулăх сăнлă инçет.
Кĕр алли валеçет ятран валĕ.
Çын ĕçне
вăл кура
валеçет!
Шухăшсем
Boost your Chuvash website’s traffic wit...
Attract more leads for your chuvash...
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...