Салам, уй-хирсем
Кăтра, ем-ешĕл калчаран
Хăпарчĕ хăмăлĕ ырашăн.
Тăван уйра эп ачаран
Тар тăкнă çăкăрлă ыраншăн.
Ку вырăнта эп акнă сĕлĕ,
Лере ӳстернĕ хуратул.
Кунта малтанхи хут пит селĕм
Хунав кăларчĕ юрату.
Çак туйăма эп сивĕтмен.
Ан тив, кăштах халь эпĕ ватă —
Кĕлте çыххи пек çивĕте
Паян та асăмра яватăп.
Сап-сар пуса пек пĕвĕ тăтăр
Ялан ман куçăм умĕнче.
Пăрçа чечекĕ пек шур тутăр
Вăл вĕлкĕштĕр ман çул çинче.
Ăçта çитсен те, каçăн-ирĕн
Куратăп вир те хуратул.
Салам сана, тăван уй-хирĕм,
Салам, пĕрремĕш юрату.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...