Çурла

Хĕвел хĕртет — шыв ăшăнмасть,

Çурла çапла вăл, пăхăнмасть.

Пылне, улмине, çăкăрне...

Турă парать ывăл-хĕрне.

Сыв пул, çулла! Сыв пул, ан йĕр!

Вăхăт иртет хăварса йĕр.

Аван, начар-и — пурĕпĕр,

Часах кĕре, ак, кĕрепĕр.

Чĕкеç те, ав, сыпуллашать

Тăван çĕрпе. Кун тулашать:

Ирпе çеç çумăрччĕ, кĕçех

Хĕртсе хĕвел пăхать, текех...

Хресчен выртать, çапать, акать...

Çурла пуянлăхне тăкать

Хĕл хырăмне тăрантарма

Улма-çырла, кĕрпе-çарма...

Шăнтать. Хĕртет. Шыв пĕрĕхет...

Çурла çапла вăл, иртĕхет.

Пурпĕр илемлĕ, витĕмлĕ,

Кĕр çывхарни те сисĕмлĕ.

Çĕнĕ комментари хуш