Инстербург
Хитре хула мĕн пулнă Инстербург
Ик юханшыв пĕрлешнĕ вырăнта.
Паян мухтанмалли мĕнех ун пур —
Кирпĕч купи кăна унта-кунта.
Бомба тăкса та тупăран персе
Чул çуртсене чăл-пар ватса аркатнă.
Танксем кĕрлевлĕн çĕмĕрсе кĕрсен
Вăрçăн хăрушă сăнарне кăтартнă.
Таçта çӳлте балконлă картлашка,
Ача кӳми çилпе силленкелет.
Çурта кĕме ытлах эс ан васка.
Паян та вилĕм серепи кĕтет.
Çунать, йăсăрланать, йĕрет хула,
Пĕр самантрах пин çуллăхĕ çухалнă.
Тискер ефрейтор айăпне пула
Германи суд тенкелĕ çине ларнă.
Ăна каçармĕ Вунпĕрремĕш çар,
Балтиçум фрончĕ уяса хăвармĕ.
Пире кĕртсе ярсан хаяр вăрçа
Пĕр йĕксĕк те тараймĕ, хăтăлаймĕ.
Шухăшсем
Your website, chuvash...
Is your chuvash...
Get additional leads for your chuvash...
Is your website chuvash...
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...
Замечательное поэтическое творение...