Асамат кĕперĕ

Аркадий Ĕçхĕл | Сăвă | 1936 | 471


Çитмĕл çичĕ ярапаллă çумăр

Çитрĕ те ташларĕ сиккипех,

Уй-хир урлă чĕнтĕрлерĕ çăмăл

Ылтăн-кĕмĕл карлăклă кĕпер.

 

Чĕнтĕрлерĕ, çӳлерех çĕклерĕ

Аслă çĕрĕн анлă тӳпине.

Мĕн пек чаплă асамат кĕперĕ

Тухса тăчĕ бригадир умне!

 

Çамрăк йĕкĕт пăхрĕ уй-хир тăрăх,

Савăнса чунтан хăй ĕçĕпе.

Çумăр шывĕ мĕн пек çутă, тăрă,

Çур тырри калчи епле чипер!

 

Бригадир тăрать. Чĕри лăпланнă.

Çийĕ-пуçĕ тăп-тăр сывлăм çеç.

Вăл тăрать телей хапхи пек анлă

Асамат кĕперĕ умĕнче.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: