«Туратсен черчен хура тушьне çĕнсе...»

Туратсен черчен хура тушьне çĕнсе

юр ӳксе çутатрĕ: çутă-çутă.

Çутăрах та çутăрах çиçеç кунсем.

Хĕл иртет те, çу татах та çутă.

Тертĕм-шухăшăм, санпа эпир паян

çутă куçĕ умĕнче пурнатпăр.

Мĕн ырри е усалли иртет каять,

çутăра кăна тăрса юлатпăр.

Çутă-çутă тăвансенĕн куçĕсем.

Ачасен сăн-пичĕсем хавас та çутă.

Туратсен черчен хура тушьне çенсе

юр ӳксе çутатрĕ: çутă-çутă.

Çĕнĕ комментари хуш