«Пулни те пурнăç мар...»

Кеварки пиччене (Г.П.Никитина, 1931-2003)

Пулни те пурнăç мар,

Кайни те канăç памĕ —

Килетпĕр пурнăçа

Хĕвел пĕрчи саламĕн.

Килетпĕр те ĕçлетпĕр,

Кашни кун ĕç те шухăш.

Этем пуласчĕ тетпĕр,

Курасчĕ савăну кăшт.

Мĕн тивĕçнĕ — йăлт картнă:

Фашизма хӳтернĕ,

Пӳрт лартнă, пусă алтнă,

Ача-пăча ӳстернĕ.

Мĕн лайăхĕ-начарĕ

Ламран лама йăлт куçĕ...

Турри пире каçарĕ,

Эпир — таса та уçă!

2003, ака, 4-6.

Çĕнĕ комментари хуш