«Ир-ирех çил ачисем...»

Любовь Шашкина | Сăвă | 473


Ир-ирех çил ачисем

Купаларĕç шур кĕртсем.

Çул çинче те юр аван-

Çын утать аран-аран.

 

Çилсем шухă та маттур,

Сирпĕтеççĕ йĕплĕ юр.

Чашлаттарчĕç ак питрен,

Юр мар,тейĕн, ку — вĕлтрен.

 

Çул çинчен аташтарса,

Е тĕртсе, такăнтарса,

Çак çилсем мĕн çĕрлеччен

Йĕкĕлтерĕç çынсенчен.

 

Анчах этеме вăр-вар

Хăратмашкăн çăмăл мар.

Ватти юршăн хĕпĕртет,

Тырă лайăх пулĕ, тет.

 

Ачасем те пит хавас:

— Йĕлтĕр ыранах сырас!

Ахаль мар çил ачисем

Купаларĕç шур кĕртсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: