«Çăлтăр çутрĕ хунарне...»

Юхма Мишши | Сăвă | 2007 | 387


Çăлтăр çутрĕ хунарне,

Чĕнчĕ мана хăй патне.

Ах, ăçтан тупас çунат,

Ăшăм çавăншăн çунать.

 

Хĕвел тухрĕ ирхине,

Пачĕ мана шевлине.

Ах, ăна мĕнле тытас,

Ах, тытсан ăçта хурас?

 

Вĕçсе килчĕ çил ачи,

Чупар, терĕ, катаччи.

Ах, епле тăрса чупас,

Çĕнтермешкĕн вăй тупас?

 

Салам ячĕ савнă тус,

Пуçна, терĕ, эс ан ус.

Каçăртса пуçа утас,

Тусăма савăнтарас.

 

25.04.2007.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: