«Кĕтӳ пĕрремĕш хут тухать...»
Кĕтӳ пĕрремĕш хут тухать,
Паян тухать кĕтӳ!
Ял çийĕн янкăс сас юхать —
Урамшăн — хĕпĕртӳ!
Мĕкĕрттерсе пырать ĕне,
Çил пек вĕçет путек.
Лачакара кĕрет тĕне
Тăми-выртми мекек.
Шур çăкăрпа тăрать инке,
Тăвар сулли — мучин.
Пилеш хулли пулман иккен
Кĕçен кĕтӳç ачин.
Вăр-вар хăпарчĕç ачасем
Тайлăк пилеш тăрне.
Таса пилеш турачĕсем
Тыттарчĕç пĕр-пĕрне.
Сар чăкăт, шурă çăмарта,
Тултармăш, сĕт, уйран...
Мăнаçлăх — çамрăк кăкăрта,
Инçетлĕх — мăн уйра.
Ача-пăча, кĕтӳ — чăлпар!
Яш чĕрлĕхĕн — уяв.
Ĕрчевлĕх парччĕ, Пихампар!
Чарусăр çак туя!
1994, çу, 12.
Касак хипхи.
Çĕнĕ комментари хуш
Шухăшсем
Tired of low website traffic? This video...
Not getting enough leads for Chuvash Org...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...