Утăра

Аркадий Русаков | Сăвă | 632


Каçпа чĕнчĕ пуçана

Çулма утă вăрмана.

Эп туптарăм çавана,

Сасă ятăм таврана...

Сывлăм ӳкнĕ ирхине.

Эх, çулатпăр утине,

Хутран-ситрен çырлине

Пăрахса чĕлхе çине.

Чашлатса çава çулать —

Хыçăмра паккус юлать.

Пĕрлешсе, тарла-тарла

Утине тăвар çулла!

Кăнтăрла апат çиме

Васкамасăр, çĕр çине

Вырнаçать хастар ниме —

Çывăхри юман айне.

Çу çиетпĕр, çăмарта:

Ĕç каçчен нумай малта.

Вăй илер те кал çулар,

Ĕç юрри шăрантарар.

Сулăнсан кун каç енне,

Мăкатсан çавасене,

Тытса сенĕк, кĕрепле,

Утă пухрăмăр пĕрле.

Тиесе çемçе мула,

Киле кайрăмăр каçпа.

Пит аван иккен çулла

Утă çулнă чух çынпа!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: