«Çăлтăрсен туйне чăмса эп кĕрĕп...»
Çăлтăрсен туйне чăмса эп кĕрĕп.
Уйăха чуптăвăп тутинчен.
Алтăр-çăлтăрпа сипет эп ĕçĕп,
Пухăп эп илем шевлесенчен.
Асамат кĕперĕпе эп утăп,
Каçăп сиплĕ Атăл леш енне.
Хам валли унта çĕн пурнăç тупăп,
Çĕн хайлав çуратăп çуркунне.
Çут хĕвел шевлипеле вăй илĕп,
Çăвăнăп çап-çутă сывлăмпа,
Çап-çамрăк пулса тепре эп килĕп,
Юрламашкăн çĕнĕ вăй-халпа.
Çынсене савса çĕн юрă юрлăп,
Мухтăп юрăра тăванлăха.
Улăп евĕрех эп вăйлă пулăп,
Пулăшма юратнă халăха.
17.12.06
Шухăшсем
Trying https://greenrevolution...
Distressing https://greenrevolution...
Hi there, its fastidious post con...
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...