«Çамрăк чух çĕкленсе эпĕ çыртăм...»
Çамрăк чух çĕкленсе эпĕ çыртăм,
Яшсене телее упрама
Чĕререн чĕнтĕм. Çак ырă туртăм
Малашне те памăрĕ канма:
— Начара та пулать мухтама,
Авана та пулать хурлама.
Шел, кĕç тупăнчĕ чурăс редактор,
Хирĕçлерĕ ман çак Чăнлăха:
— Йăнăшатăр! Çакна пĕлнĕ пулăр —
Пит сиенлĕ сăвву халăха.
Начара майĕ çук мухтама.
Авана майĕ çук хурлама.
Çулсем иртрĕç. Çĕршывăм арканчĕ.
Чăнлăха сутса ячĕ Шуйттан.
Ултав çулĕ çине тĕксе ячĕ
Халăха çакскер вăрттăн, шалтан.
Начара хăй мухтарĕ пĕрмай,
Авана элеклерĕ ай-ай!
Ăçта кайрĕ ман чурăс редактор?
Тухкалать хушăран пичетре.
Ахаль мар халь ăна та куратăр
Чĕр Шуйтган хуçаланнă ретре.
Ĕнерхи авана хăртнă май,
Начара вăл мухтать халь пĕрмай.
Пĕрре çех Çутă Чăнлăх, ку — паллă,
Ултава уйăрма Чăнлăхран
Аптăрать манăн ывăннă халăх, —
Начарри çĕнтерет ăнсăртран.
Начара та пулать мухтама,
Авана та пулать хурлама.
Çавăнпа ку чухне пулăр сыхă,
Ан ĕненĕр пылак сăмаха.
Шуйттан ернĕ çынсен чунĕ сăха, —
Улталаççĕ вĕсем халăха
Авана хуратса начарпа,
Начара хупласа аванпа.
18.01.2000
Шухăшсем
Get more leads for your chuvash...
Когда речь идет о ремонте, выбор правил...
Предлагаем вам высококачественный троту...
Ever thought how chuvash...
Needing to enhance your website t...
Предлагаем вам высококачественный троту...
Когда речь идет о ремонте, выбор правил...
Лазерный уровень легко помещается в су...
Wanting to elevate your website t...
Use AI to build a website by just enteri...